முன்னுரை :ஓர் இஸ்லாமிய அறிஞனின் கூற்று...... "நீ மரணிப்பதற்கு ஆசைப்படு;வாழ்வு உனக்கு பரிசாக வழங்கப்படும்" உன் வாழ்க்கையின் எந்த ஒரு நாளில் உன் முன்னால் எந்தப் பிரச்சினையையும் நீ சந்திக்காமல் முன் செல்கிறாயோ, அப்பொழுது தவறான பாதையில் நீ பயணிக்கிறாய்.(சுவாமி விவேகானந்தர்) நீங்கள் தைரியமாக எழுந்து நிற்காத வரை உங்களை யாரும் மதிக்கப் போவதில்லை;இங்கு பயத்திற்கு இடமில்லை பலத்திற்கே இடம் உண்டு.(APJ அப்துல் கலாம்) கனவுகள் எல்லாம் நனவாகும்; நிறைய காயங்களுக்கு பிறகு! (சார்லி சாப்ளின்) இது போன்றுள்ள பல்வேறு தரப்பினரின் கூற்றுக்களும் போராட்ட வாழ்வு மிகப்பெரிய வெற்றியை தேடித்தரும் காரணி என்பதை விளக்கிக் காட்டுகின்றன. அதனால் தான் இஸ்லாமும் போராட்டங்கள் நிறைந்த வாழ்க்கைக்கு மிகுந்த முக்கியத்துவம் அளிக்கிறது.குர்ஆன் மற்றும் நபி (ஸல்) அவர்களது வாழ்வியல் நடைமுறைகளை ஆய்வு செய்து பார்த்தால் போராட்ட குணத்திற்கு இஸ்லாம் எந்தளவு தூரம் முக்கியத்துவம் அளித்துள்ளது என்பதை உணர்ந்து கொள்ள முடியும். போராட்ட குணமும்,பரிசுத்த இஸ்லாமும்! போர் நிகழ்வதை இஸ்லாம் விரும்புவதில்லை;ஆனால் அதேசமயம் போர்க்குணம் எப்போதும் இருக்கவேண்டும் என்கிறது. நபி ஸல் கூறினார்கள்; أَيُّهَا النَّاسُ، لا تَتَمَنَّوْا لِقَاءَ الْعَدُوِّ، وَاسْأَلُوا اللَّهَ الْعَافِيَةَ فَإِذَا لَقِيتُمُوهُمْ فَاصْبِرُوا، وَاعْلَمُوا أَنَّ الْجَنَّةَ تَحْتَ ظِلالِ السُّيُوفِ மனிதர்களே!எதிரிகளை களத்தில் சந்திக்க வேண்டுமென்று ஆசைப்படாதீர்;அல்லாஹ்விடத்தில் நலவையே வேண்டுங்கள்;ஆனால் எதிரிகளை களத்தில் சந்திக்க வேண்டிய நிர்பந்தம் ஏற்பட்டால் உறுதியாக நில்லுங்கள்;அறிந்து கொள்ளுங்கள்! நிச்சயமாக சுவனம் வாளின் நிழலின் கீழே இருக்கிறது. அரபு மொழியில் போராட்ட செயல்பாடுகளுக்கு முஜாஹதா என்ற வார்த்தை பயன்படுத்தப்படுகிறது "ஒரு குறிப்பிட்ட காரியத்திற்காக அர்ப்பணிப்பு மனப்பான்மையோடு தனது சக்தியை செலவழிப்பது"என்பதாகும் அதன் பொருள்.இஸ்லாமிய வழக்கில் இறை பொருத்தத்தை நாடி சத்தியப்பாதையில் கடுமையான உழைப்பை வெளிக்காட்டுவதாகும். அல்லாஹ் அருள்மறையில் குறிப்பிடுவது போல; وَجاهَدوا في سَبيلِ اللَّهِ بِأَمْوالِهِمْ وَأَنْفُسِهِمْ உங்கள் பொருட்களையும், உயிர்களையும் கொண்டு அல்லாஹ்வின் பாதையில் அறப்போர் புரியுங்கள். (அல்குர்ஆன் : 9:41) وَجَاهِدُوْا فِى اللّٰهِ حَقَّ جِهَادِهٖ‌ هُوَ اجْتَبٰٮكُمْ இன்னும் நீங்கள் அல்லாஹ்வின் பாதையில் அவனுக்காக போராட வேண்டிய முறைப்படி போராடுங்கள்; அவன் உங்களைத் தேர்ந்தெடுத்துக் கொண்டான். (அல்குர்ஆன் : 22:78) அல்லாஹ் உங்களை தேர்வு செய்திருக்கிறான்;எல்லா படைப்புகளை விடவும் உங்களை சிறப்பாக்கி இருக்கிறான்.எனவே நீங்கள் போராட்ட குணமுடையவர்களாக இருங்கள் என்பது மேற்கூறப்பட்ட வசனங்களின் கருத்தாகும். இன்று நபியவர்கள் இந்த தீனை நம்மிடம் கொடுப்பதற்காக அம்மக்களிடம் எவ்வளவு போராடினார்கள் என்பதை நாம் பெருமை கொள்ளும் அதே சமயம், பெருமானார் காட்டிய வழியில் நாம் தீனுக்காக என்ன போராடிக் கொண்டுள்ளோம்?என்பதை சிந்தித்துப் பார்க்க வேண்டிய கட்டாய சூழ்நிலையில் இருக்கிறோம். காற்றுள்ள போதே தூற்றிக்கொள் என்பதுபோல வாழும் காலத்திலேயே உழைப்புகளால் நமது வாழ்வை மெருகூட்டி கொள்ள வேண்டும். மனிதனுக்கு வழங்கப்பட்ட தவணை காலம் வந்துவிடுமென்றால் மனிதன் செயல்பட விரும்புவான்;ஆனால் அதற்கான அவகாசம் இருக்காது என்கிறது அருள்மறை. حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ * لَعَلِّي أَعْمَلُ صَالِحًا فِيمَا تَرَكْتُ அவர்களில் ஒருவனுக்கு மரணம் வரும்போது, அவன்: “என் இறைவனே! என்னைத் திரும்ப (உலகுக்குத்) திருப்பி அனுப்புவாயாக!” என்று கூறுவான். “நான் விட்டுவந்ததில் நல்ல காரியங்களைச் செய்வதற்காக” (என்றும் கூறுவான்)(அல்குர்ஆன் : 23:99,100) அதனால்தான் நபி(ஸல்)கூறினார்கள்; احرص علي ما ينفعك "உனக்கு பயனளிக்கும் ஒன்றை நீ ஆசைப்படு" அதாவது உனக்கு எது பயனளிக்கிறதோ அதற்காக, அதன் சுபச் செய்தியை அனுபவிப்பதற்காக நீ போராடு என்பதே அண்ணலாரின் கருத்தாகும். போராட்ட வாழ்வும்,பெருமானாரும்! நபி ஸல் பிறப்பின் துவக்கம் போராட்டத்தின் ஆரம்பம்;மக்காவில் கி.பி. 571 ஆம் ஆண்டு நபிகள் நாயகம் (ஸல்) அவர்கள் பிறந்தார்கள். நபிகள் நாயகம் (ஸல்) அவர்கள் அன்று அரபு மண்ணில் உயர்ந்த குலமாகக் கருதப்பட்ட குரைஷி என்னும் குலத்தில் பிறந்தார்கள். தாயின் வயிற்றிலிருக்கும் போதே தந்தை அப்துல்லாஹ்வையும், தமது ஆறாம் வயதில் தாயார் ஆமினாவையும் இழந்து அனாதையாக நின்றார்கள். பின்னர் பாட்டனார் அப்துல் முத்தலிபின் அரவணைப்பிலும், அவர் மரணித்த பின் பெரிய தந்தை அபூதாலிபின் பராமரிப்பிலும் வளர்ந்தார்கள். சிறு வயதில் யாருக்கும் பாரமாக இருக்கக் கூடாது என்பதால் ஆடு மேய்த்தார்கள். ஓரளவுக்கு விபரம் தெரிந்தவுடன் தமது பெரிய தந்தையுடன் சேர்ந்து சிரியா நாட்டுக்குச் சென்று வியாபாரம் செய்தார்கள். இதனால் இளமையில் கல்வி கற்பதற்கான வாய்ப்பு அவர்களுக்குக் கிடைக்கவில்லை. இதனால் எழுதவோ, படிக்கவோ அவர்களுக்குத் தெரியாது. தமது 25 வது வயதில் வியாபாரத்தைக் கற்றுத் தேர்ந்தார்கள். மக்காவில் மிகப் பெரிய செல்வச் சீமாட்டியாகவும், பெரும் வணிகராகவும் திகழ்ந்த கதீஜா அம்மையார் நபிகள் நாயகத்தின் ஒழுக்கம், பண்பாடு, நேர்மை மற்றும் வியாபாரத் திறமை ஆகியவற்றைக் கேள்விப்பட்டு நபிகள் நாயகத்தை மணந்து கொள்ள விரும்பினார். நபிகள் நாயகத்தை விட அதிக வயதுடையவராகவும், விதவையாகவும் இருந்த கதீஜா அம்மையாரை நபிகள் நாயகம் (ஸல்) அவர்கள் மணந்து கொண்டார்கள். நபி ஸல் அவர்களின் பிரச்சார களம் போராட்டம் நிறைந்தது என்பதை அல்லாஹ் நபி (ஸல்) அவர்களுக்கு உணர்த்தினான். போர்வை போர்த்திக் கொண்டிருக்கும் (நபியே!) நீங்கள் எழுந்து நின்று (மனிதர்களுக்கு) அச்சமூட்டி எச்சரிக்கை செய்யுங்கள்! உங்கள் இறைவனைப் பெருமைப்படுத்துங்கள்! உங்களது ஆடையை பரிசுத்தமாக்கி வைத்துக் கொள்ளுங்கள்! அசுத்தங்களை வெறுத்து விடுங்கள்! உங்கள் இறைவனின் கட்டளையை நிறைவேற்றுவதற்காக(க் கஷ்டங்களை) நீங்கள் பொறுத்திருங்கள். (அல்குர்ஆன் 74 : 1-5) “உங்களது ஆடைகளை பரிசுத்தமாக்கிக் கொள்ளுங்கள்” அல்லாஹ்வை மகிமைப்படுத்தி அவன் முன் நிற்பவர் அருவருப்பான தோற்றமின்றி அசுத்தமின்றி உடலையும் உடையையும் தூய்மையாக வைத்துக்கொள்ள வேண்டும். அல்லாஹ் ஆடையில் தூய்மையை இவ்வளவு வலியுறுத்தும்போது கெட்ட செயல், தீய சிந்தனையிலிருந்து நாம் எவ்வளவு தூய்மை பெற்றிருக்க வேண்டும் என்பதை சொல்லத் தேவையில்லை. “அசுத்தங்களை வெறுத்திடுங்கள்” அதாவது, அல்லாஹ்வை வணங்கி அவனுக்கு மாறுசெய்வதைத் தவிர்த்து அல்லாஹ்வின் கோபத்திலிருந்து தூரமாகிவிடுங்கள். “நீங்கள் பிரதிபலன் தேடியவராக எவருக்கும் உதவி ஒத்தாசை புரியாதீர்கள்” அதாவது, பிறருக்கு உதவி செய்யும்போது அதற்குச் சமமான அல்லது அதைவிட அதிகமான பலனை எதிர்பார்க்காதீர்கள். “உங்கள் இறைவனின் கட்டளையை நிறைவேற்றுவதற்காக(க் கஷ்டங்களை) நீங்கள் பொறுத்திருங்கள்” நபி (ஸல்) அவர்கள் தங்களது கூட்டத்தாரை அல்லாஹ்வின் பக்கம் அழைத்து அவனது தண்டனைகளைக் கூறி எச்சரிக்கை செய்கையில் அவர்களால் துன்பங்கள் நிகழலாம், அவற்றை அல்லாஹ்வுக்காக ச கித்துக்கொள்ள வேண்டும் என்று இந்த இறுதி வசனத்தில் உணர்த்தப்படுகிறது. ஆரம்பமாக அல்லாஹ்வின் அழைப்பு நபி (ஸல்) அவர்களை ஓய்வு உறக்கத்தில் இருந்து தட்டி எழுப்பி, உடலை வருத்திக்கொள்ளவும், அனல் பறக்கும் போருக்கு ஆயத்தமாகவும், எதிர்காலத்தில் சமுதாயப் புரட்சிக்கு ஈடுகொடுக்கவும், எந்நேரமும் தயாராக இருக்க வேண்டும் என ஒரு ராணுவ உத்வேகத்திற்கு நபி (ஸல்) அவர்களை தூண்டுகிறது. போர்வை போர்த்திக் கொண்டிருப்பவரே! எழுக! அச்சமூட்டி எச்சரிக்கை செய்க! என அழைப்பது எங்ஙனம் உள்ளது என்றால்... ஓ!... தனக்காக வாழும் ஒரு சுயநலவாதிதானே சாய்வு கட்டிலில் ஓய்வு தேடுவார். தாங்கள் அப்படிப்பட்டவரல்லவே! தாங்கள் உயர்ந்த ஒரு பணிக்கு ஆயத்தமாக வேண்டியுள்ளதே! எதிர்காலத்தில் பெரும் சமுதாயச் சுமையை தாங்கள் சுமக்க நேரிடுமே! இந்தப் போர்வை சுகத்திற்காகவா புவியில் பிறந்தீர்கள்? தங்களின் உறக்கம் உசிதமானதா? மன நிம்மதியை உள்ளம் விரும்பலாமா? சுகம் தேடலாமா? கூடாது! கூடாது! கூடவே கூடாது! உங்களை மகத்தான பொறுப்பு இரு கரம் நீட்டி வரவேற்கிறது. உம்! எழுங்கள்! உங்களுடைய பாரத்தைத் தாங்கிக் கொள்ளத் தயாராகுங்கள். சிரமத்தையும் தியாகத்தையும் ஏற்றுக்கொள்ள எழுந்து வாருங்கள்! ஓய்வெடுக்க வேண்டிய காலம் ஓடிவிட்டது. இனி கண் துஞ்சாது விழித்து போராட வேண்டும். நீங்கள் அர்ப்பணிப்புக்கு ஆயத்தமாகுங்கள்! தயாராகுங்கள்! உண்மையில் அல்லாஹ்வின் இந்த வசனம் மிக அச்சுறுத்தலானது. இது நபி (ஸல்) அவர்களை இல்லத்தில் நிம்மதியாக படுத்துறங்குவதிலிருந்து வெளியேற்றி முழு வாழ்க்கையிலும் அழைப்புப் பணியின் சிரமங்களைச் சந்திக்கத் தயார்படுத்தியது. அல்லாஹ்வின் இக்கட்டளையை நிறைவேற்ற நபி (ஸல்) அவர்கள் எழுந்தார்கள்! அன்று எழுந்தவர்கள் இருபது வருடங்களுக்கு மேலாக ஓய்வு பெறவேயில்லை. தனக்காகவோ தமது குடும்பத்தினருக்காகவோ இல்லாமல் அல்லாஹ்வினால் ஒப்படைக்கப்பட்ட மாபெரும் பொறுப்பின் சுமையை தனது தோளில் சுமந்து இறையழைப்புப் பணியில் தன்னை அர்ப்பணித்துக் கொண்டார்கள். அவர்கள் சுமந்தது ஏகத்துவப் போராட்டத்தின் சுமையாகும். அல்லாஹ்வினால் தனக்கு விடுக்கப்பட்ட அழைப்பை செவியேற்றதிலிருந்து 20 வருடங்களுக்கு மேலாக ஓய்வு உறக்கமின்றி மாபெரும் தியாக வாழ்க்கையை மேற்கொண்டார்கள். இஸ்லாத்தின் மிக முக்கிய திருப்பு முனையாக அமைந்த ஹிஜ்ரத்தும் நபி ஸல் அவர்களின் போராட்டங்களுக்கு பின் கிடைத்த பலனே ஒரு நாள் இரவு மக்கா முழுவதும் நீண்ட அமைதி நிலவியது. நபிகளாரைக்கொல்ல எதிரிகள் திட்டம் வகுத்து காத்திருந்தார்கள். அப்போது, இரவின் பிற்பகுதியில் அண்ணலாருக்கு இறைவனின் கட்டளை வருகிறது. “நீங்கள் மக்காவை விட்டு மதினாவிற்கு ‘ஹிஜ்ரத்’ செய்யுங்கள்” (புலம் பெயர்ந்து செல்லுங்கள்) என்று உத்தரவு வருகிறது. உடனே எம்பெருமானார் (ஸல்) அவர்கள், அலி (ரலி) அவர்களை அழைத்து, “அருமை அன்பரே! எனக்கு அல்லாஹ்வின் கட்டளை வந்துவிட்டது. நான் இப்போதே மதினாவிற்கு பயணம் புறப்படப்போகிறேன். அதற்கு முன்னால் எனக்கு ஒரு கடமை இருக்கிறது. என்னிடம் மக்கா குரைஷியர்கள் பலர், எதிரிகளாய் இருந்தாலும் அமானிதமாய் பல உயர்ந்த பொருட்களை என்னிடம் கொடுத்திருக்கின்றனர். அத்தனைப் பொருட்களையும் உரியவர்களிடம் சேர்க்கின்ற பொறுப்பை உங்களுக்கு வழங்குகிறேன்.” “இன்ஷா அல்லாஹ், உடமைகளை உரியவர்களிடம் ஒப்படைத்து விட்டு, என்னை மதினாவில் இரண்டொரு நாளில் வந்து சந்தியுங்கள்” என்று பணித்தார்கள். அன்று இரவு அண்ணல் எம்பெருமானார் (ஸல்) வீட்டை விட்டு புறப்படுவதற்கு முன்பே மக்கத்து குரைஷிகள், ஏற்கனவே சதித்திட்டம் தீட்டியபடி, அண்ணலாரின் வீட்டைச் சூழ்ந்து கொண்டார்கள். வாள், வில் ஆயுதங்களுடன் எதிரிகள் நிற்பதைக்கண்டு அண்ணல் பெருமானார் (ஸல்) அவர்கள் சிறிதும் அஞ்சவில்லை. ‘நீங்கள் மதினாவிற்குப் புறப்படுங்கள்’ என்று அல்லாஹ் ‘வஹி’ (இறைச்செய்தி) அனுப்பியிருக்கிறான். அல்லாஹ் சொல்வது சத்தியம். அது நிறைவேறித்தான் ஆக வேண்டும். எத்தனை இடையூறுகள் ஏற்பட்டாலும் நாம் மதினா செல்வது உறுதி. அந்த பொறுப்பை அல்லாஹ் ஏற்றிருக்கும் போது எதற்கு அனாவசிய கவலை என்று எண்ணியபடி தைரியமாக வீட்டை விட்டு வெளியே வந்தார்கள். எதிரிகளும் அவர்களைப் பார்த்தார்கள். அப்போது, அண்ணலார் தன் கரங்களால் ஒரு பிடி மண்ணை எடுத்து எதிரிகளின் முன்னிலையில் வீசினார்கள். சூரா யாஸீனில் உள்ள இந்த வசனத்தை ஓதியவர்களாக முன்னேறினார்கள். “அவர்களுக்கு முன்புறம் ஒரு சுவரும் பின்புறம் ஒரு சுவருமாக ஆக்கி நாம் அவர்களை மூடி விட்டோம். ஆதலால் அவர்களால் எதையும் பார்க்க முடியாது” (திருக்குர்ஆன் 36:9) இந்த வசனத்தை கேட்ட உடனே, எதிரிகள் அனைவரும் அப்படியே உணர்ச்சியற்றவர்களாக ஸ்தம்பித்து நின்றனர். அல்லாஹ் திருமறையில் சொன்னது போல் அவர்கள் கண் திறந்திருந்தும் பார்க்க முடியவில்லை. கைகளில் வாள் இருந்தும் அவை அசையவில்லை. மிக மெதுவாக நிதானமாக அவர்களை கடந்து சென்றார்கள் நபிபெருமானார். நேரே அபூபக்கர் சித்திக் (ரலி) அவர்களின் வீடு நோக்கி சென்றார்கள். என்ன ஆச்சரியம், வீட்டில் அகல் விளக்கு எரிந்து கொண்டிருந்தது. கதவை தட்டுவதற்காக கை வைத்த உடன் அது தானாக திறந்து கொண்டது. அங்கே அபூபக்கர் சித்திக் (ரலி) அவர்கள் ஆவலாய் யாரையோ எதிர்பார்த்த வண்ணம் தயாராக இருப்பதை நபிகளார் கண்டார்கள். “அருமை நண்பரே! இந்த இரவு வேளையில் யாரை எதிர்பார்த்து காத்திருக்கிறீர்கள்” என்று நபிகளார் வினவினார்கள். “யா ரஸூலுல்லாஹ்! நீங்கள் சில தினங்களுக்கு முன், அபூபக்கரே இங்கே மக்காவின் நிலைமை நாளுக்கு நாள் மோசமாகிக் கொண்டே போகிறது. ஏற்கனவே ஈமான் கொண்டவர்கள் புலம் பெயர்ந்து மதினா சென்று விட்டார்கள். இங்கே பலரும் நம்மை ஏற்றுக்கொள்ள முன் வரவில்லை. நாம் வெகு சிலரே மக்காவில் உள்ளோம். இதனை விட்டு அகன்று மதீனாவில் நம் இறைச்சேவையை, ஏகத்துவத்தை எடுத்தியம்பினால் மக்களிடம் கொஞ்சம் மாற்றம் ஏற்படும் போல் தெரிகிறது. எனவே நீங்கள் தயாராக இருங்கள். அல்லாஹ்வின் கட்டளைக்காக நான் காத்திருக்கிறேன். கட்டளை கிடைத்ததும் உங்களை நாடி வருவேன். நாம் இருவரும் ‘ஹிஜ்ரத்’ செய்து மதினா செல்ல வேண்டும் என்று சொன்னீர்கள்” . “அன்றிலிருந்து ஒவ்வொரு நாளும் உங்கள் அழைப்பிற்காக இரவு பகலாக காத்திருக்கிறேன். நீங்கள் உத்தரவிட்டால் தாமதிக்காமல் உடனே புறப்பட வேண்டும். அதற்காகத் தான் தயாராய் காத்திருக்கின்றேன்” என்றார் அபூபக்கர் சித்திக் (ரலி). பின்னர் இருவரும் அங்கிருந்து உடனே மதினா நோக்கி புறப்பட்டார்கள். அதேநேரத்தில், அண்ணலார் வீட்டை சுற்றி நிலைகுலைந்து நின்றிருந்த எதிரிகள் சிறிது நேரம் கழித்து சுயநினைவிற்கு வந்தார்கள். ‘என்னவாயிற்று நமக்கு, நபிகள் நம் முன் வந்தது போல் தெரிந்ததே? எங்கே அவர் போய் விட்டார்?’ என்று நினைத்தபடி வீட்டினுள் நுழைந்தனர். இதற்கிடையே அண்ணலாரின் கட்டளையை நிறைவேற்ற எண்ணிய அலி (ரலி) அவர்கள் எதிரிகளின் முற்றுகையைப் பொருட்படுத்தாமல் வீட்டினுள் சென்று அண்ணலார் வழக்கமாய் படுத்துறங்கும் இடத்தில் நன்றாக முகத்தை மூடி போர்வையை போர்த்தியவராக உறக்கத்தில் ஆழ்ந்திருந்தார்கள். அலி (ரலி) அவர்கள் படுத்திருந்த நிலையைக் கொண்டு அவர்கள் தான் நபியாக இருக்கும் என்று எண்ணிய எதிரிகள் அவர்களைச் சுற்றி சூழ்ந்து, கொல்வதற்காக வாட்களை ஓங்கினார்கள். அப்போது, கூட்டத்தில் ஒருவர் சொன்னார், “முகத்தை மூடிய நிலையில் ஒருவரை கொல்வது அரேபியர் வீரத்திற்கு அழகல்லவே. போர்வையை விலக்கி முகத்தைப் பார்த்து அவரை கொல்வதே நமது வீரத்திற்கு சான்று பகரும் சாட்சி. எனவே போர்வையை விலக்குங்கள்” என்றார். போர்வையை விலக்கியவர்களுக்கு அதிர்ச்சி காத்திருந்தது. அங்கே அலி (ரலி) அவர்கள் ஆழ்ந்த உறக்கத்தில் ஆழ்ந்திருந்தார்கள். எதிரிகள் ஆச்சரியம் மேலிட்டவர்களாக அவரைத் தட்டி எழுப்பி, “அலியே! நாங்கள் முகம்மதை கொல்வதற்காக பல நாட்கள் காத்திருக்கிறோம் என்பது உங்களுக்குத் தெரியாதா? இருந்தும் என்ன தைரியத்தில் முகம்மது வீட்டில், அதுவும் அவரது படுக்கையில் எந்த வித அச்சமின்றி தூங்கிக்கொண்டிருக்கிறாய்?. போர்வையை விலக்காமல் இருந்திருந்தால் இந்நேரம் உன் உயிர் போயிருக்குமே?” என்று வினவினார்கள். அப்போது, அலி (ரலி) அவர்கள் மிக அலட்சியமாக, “அது எப்படி என் உயிர் போகும்? அண்ணல் நபிகளார் என்னிடம் ஒரு பொறுப்பை ஒப்படைத்து, அதை நிறைவேற்றி விட்டு இரண்டொரு நாளில் என்னை வந்து சந்தி என்றல்லவா சொல்லிவிட்டு சென்றார்கள். எனவே எனக்கு நம்பிக்கை உண்டு. இரண்டு நாட்களில் நபிகளாரை நான் நிச்சயம் சந்திப்பேன் என்று சொன்னது நபிபெருமான். அவர் சொல்வது அனைத்தும் சத்தியம், உண்மை. அண்ணலின் வாக்கு என்றைக்குமே பொய்த்ததில்லையே? அதனால் தான் எந்தவித அச்சமின்றி தூங்கிக் கொண்டிருந்தேன்” என்றார்கள். வாயடைத்து நின்றனர் எதிரிகள். அண்ணல் நபிகளாரில் வாக்கில் எந்த அளவுக்கு அவரது தோழர்கள் நம்பிக்கை கொண்டிருந்தார்கள் என்பதற்கு இந்த நிகழ்வுகள் சாட்சியாகும். அபூபக்கர் சித்திக் (ரலி) என்னவென்றால், ‘நாயகம் சொல்லிவிட்டார்கள். எந்த நிமிடமும் அவர்கள் வரலாம்’ என்ற எதிர்பார்ப்போடு இரவு பகலாக தன் வீட்டில் காத்திருந்தார்கள். அலி (ரலி) அவர்கள், ‘நபிகள் சொல்லி விட்டார்கள். நாளை அவர்களை உயிருடன் சந்திப்போம்’ என்ற நம்பிக்கையில் அச்சமின்றி இருந்தார்கள். நபி (ஸல்) தன் தோழர்களையும் போராட்ட வாழ்வை நோக்கி எவ்வாறெல்லாம் பயிற்றுவித்தார்கள் என்பதற்கான எடுத்துக்காட்டுகளாகும் மேற்குறிப்பிடப்பட்ட சம்பவங்கள். போராட்டங்களையும் அதன் வழியே அற்பணிப்பு களையும் வெளிப்படுத்துவதை தனக்கு மிகப் பிரியமான செயலாக நபி (ஸல்) கொண்டிருந்தார்கள். நபி (ஸல்) அவர்கள் கூறினார்கள் : என் உயிரைத் தன் கையில் வைத்திருப்பவன் மீது சத்தியமாக! என்னை விட்டுப் பின்தங்கி விடுவதால் இறைநம்பிக்கையாளர்கள் சிலரது உள்ளங்களில் வருத்தம் உண்டாகாது என்றிருக்குமாயின் மேலும், அவர்களை ஏற்றிச் செல்ல வாகனங்களும் என்னிடம் இருந்திருக்குமாயின் அல்லாஹ்வின் பாதையில் போர் புரியச் செல்லும் எந்தச் சிறு படையையும் விட்டு நான் பின்தங்கியிருந்திருக்க மாட்டேன். என் உயிரைத் தன் கையில் வைத்திருப்பவன் மீது சத்தியமாக! நான் அல்லாஹ்வின் பாதையில் கொல்லப்பட்டு, பிறகு உயிராக்கப்பட்டு, மீண்டும் கொல்லப்பட்டு, பிறகு உயிராக்கப்பட்டு, மீண்டும் கொல்லப்பட்டு, பிறகு உயிராக்கப்பட்டு, மீண்டும் கொல்லப்பட வேண்டும் என்றே விரும்புகிறேன். (புகாரி) போராட்ட வாழ்வினால் நபிகளார் அடைந்து கொண்ட பலன்கள் என்ன? • 23 ஆண்டுகால பணி 230 வருடங்களுடைய சாதனையாக மாறியது. அசாதாரணமான சூழ்நிலைகளிலும் உறுதியுடன் களத்தில் நின்று நிறைவான வெற்றிகளை பெற முடிந்தது. அற்ப சுகங்களுக்கு பெயர்போன அவர்களது தோழர்களை அனைத்தையும் அர்ப்பணிக்கும் சீலர்களாய் மாற்றியது. கண்ணியமான பாதுகாப்பான வாழ்விற்கு போராட்ட குணம்தான் முதன்மையானது என்பதை உணர்த்திக் காட்டியது. வாழ்க்கைப்பயணத்தில் வலிகள் உள்ளளவும் உயர்வான இலக்குகளை அடைய முடியும் என்பதை படித்து கொடுத்தது. இறுதியாக..போராடும் குணத்துடன் வாழ்வோம்!மரணிப்போம்! சமகால உலகில் இஸ்லாத்திற்கு எதிராகவும் முஸ்லிம்களுக்கு எதிராக பாபரி பள்ளிவாசல் உட்பட பல்வேறு அநீதங்கள் நடைபெறக்கூடிய சூழலில் முஸ்லிம்கள் பெற வேண்டியது போராட்ட குணமே ஆகும். இந்த குணம் சமூகத்திடம் எந்தளவிற்கு நிறைவாக இருக்குமோ அந்தளவிற்குத்தான் அநீதங்களையும், அக்கிரமங்களையும் தகர்த்தெறிய முடியும். திருமறைக் குர்ஆனில் அல்லாஹ் தெளிவுபடுத்துகிறான் وَضَرَبَ اللّٰهُ مَثَلاً رَّجُلَيْنِ اَحَدُهُمَاۤ اَبْكَمُ لَا يَقْدِرُ عَلٰى شَىْءٍ وَّهُوَ كَلٌّ عَلٰى مَوْلٰٮهُۙ اَيْنَمَا يُوَجِّهْهُّ لَا يَاْتِ بِخَيْرٍ‌ هَلْ يَسْتَوِىْ هُوَۙ وَمَنْ يَّاْمُرُ بِالْعَدْلِ‌ۙ وَهُوَ عَلٰى صِرَاطٍ مُّسْتَقِيْمٍ‏ மேலும், அல்லாஹ் இரு மனிதர்களைப் பற்றிய (மற்றும்) ஓர் உதாரணம் கூறுகிறான்: அவ்விருவரில் ஒருவன் ஊமை(யான அடிமை); எந்தப் பொருளின் மீது (உரிமையும்) சக்தியும் அற்றவன்; தன் எஜமானனுக்குப் பெரும் சுமையாகவும் அவன் இருக்கின்றான்; எங்கு அவனை அனுப்பினாலும் அவன் யாதொரு நன்மையும் கொண்டு வர மாட்டான்; மற்றவனோ, தானும் நேர் வழியிலிருந்து, (பிறரையும் நன்மை செய்யுமாறு) நீதியைக் கொண்டு ஏவுகிறான் - இவனுக்கு (முந்தியவன்) சமமாவானா?   (அல்குர்ஆன் : 16:76) அல்லாஹ் எடுத்துக்கூறும் இந்த உவமையில் நாம் எந்த தரத்தில் இருக்கிறோம்?என்பதை மீளாய்வு செய்ய வேண்டும். அநீதியிழைக்க கூடிய அரசனுக்கு எதிராக உண்மையை எடுத்துரைப்பது சிறந்த ஜிஹாத் ஆகும் என்று நபி (ஸல்) அவர்கள் கூறியுள்ளதை நாம் எப்போதும் நினைவில் வைக்க கடமைப்பட்டுள்ளோம் அநீதிக்கு எதிரான சூழல்களிலும் சரி, அன்றாட வாழ்க்கைப் பயணத்திலும் சரி, போராட்டங்கள் பல சாதனைகளை நிகழ்த்துவதற்கு காரணமாகின்றன. எனவே போராட்ட குணம் வளர்ப்போம்! ஈருலகிலும் சாதனைகள் பல புரிவோம்!! இன்ஷா அல்லாஹ்!

            நாடு இன்று ஒரு மௌனமான சூலலில் உள்ளது. இந்த மௌனம் ‘அமைதி / நிம்மதி’ எனக் கொள்ள இயலாத வகையில் ஒரு நெருக்கடியான செயற்கை அமைதி ஏற்படுத்தப்பட்டுள்ளது. 450 ஆண்டுகால பாரம்பரிய பாபர் மசூதி இடிக்கப்பட்டு சுமார் 27 ஆண்டுகள் நடைபெற்ற வழக்கில் உச்ச நீதிமன்றத்தின் 5 நீதிபதிகள் கொண்ட குழு மொத்த பாபரி நிலத்தையும் ராம் லல்லா விஜ்ரான் தரப்பிற்கு வழங்கி தீர்ப்பு வழங்கியுள்ளது. நாட்டின் பல தரப்பிலிருந்தும் வரவேற்பும், அதிருப்தியும் இத்தீர்ப்பிற்கு கிடைத்துள்ளது. முஸ்லிம் சமூகத்தில் தீர்ப்பிற்கு முன்பு அச்ச நிலையும், தீர்ப்பிற்கு பின்பு பெரும் விரக்தி நிலையும் காணப்படுகிறது. இழந்த பாபரி, ஒரு மஸ்ஜித் / பள்ளிவாசல். பள்ளிவாசல் கட்டிடம் அல்ல! ஆம். பள்ளிவாசல் என்பது கட்டிடம் அல்ல. அது அல்லாஹ்வை நினைவு கூறும் அடையாள சின்னம். அல்லாஹ் கூறுகிறான்; ذَٰلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ   ‏எவர் அல்லாஹ்வின் சின்னங்களை மேன்மை படுத்துகிறாரோ நிச்சயமாக அது உள்ளச்சத்தால் (ஏற்பட்டது) ஆகும். (திருகுர்ஆன்  22:32. )  முஸ்லிம்களின் கலாச்சார மையம் பள்ளிவாசல் நபி(ஸல்) அவர்கள்  ஹிஜ்ரத்தின் போது இடையில் தங்கிய இடமாக இருப்பினும் அங்கு ஒரு பள்ளிவாசலை நிர்மாணித்தார்கள். நபி (ஸல்) கூறினார்கள்; பூமியின் மேல் பரப்பில் அல்லாஹ்விற்கு விருப்பமான இடம் பள்ளிவாசல் ஆகும்.  பள்ளிவாசல் நீதியின் மையம்! நீதியை நிலைநிறுத்தும் இடமாக திகழ்வது பள்ளிவாசல். அல்லாஹ் கூறுகிறான்;   يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ   முஃமின்களே! நியாயத்தை நிலை நாட்டுவதற்காக அல்லாஹ்வுக்கு நீங்கள் உறுதியான சாட்சியாக இருங்கள், எந்த ஒரு கூட்டத்தார் மீதும் நீங்கள் கொண்டுள்ள வெறுப்பு நீதி செய்யாமலிருக்க உங்களைத் தூண்ட வேண்டாம். நீதி செய்யுங்கள்; இதுவே (தக்வாவுக்கு) - பயபக்திக்கு மிக நெருக்கமாகும்; அல்லாஹ்வுக்கு அஞ்சுங்கள்; நிச்சயமாக அல்லாஹ் நீங்கள் செய்பவற்றை(யெல்லாம் நன்கு) அறிந்தவனாக இருக்கின்றான். (திருகுர்ஆன் 5:8 ) நபி (ஸல்) அவர்கள் ஏனைய தீர்ப்புகளை பள்ளியில் இருந்து அளித்துள்ளார்கள். பிரபலமாக அறியப்பட்ட நபிகளாரின் வாசகமான “எனது மகள் பாத்திமா திருடியிருந்தாலும் கை துண்டிக்கப்படும் “ என்பது அனைவரும் அறிந்ததே! நபிகளார் மட்டுமல்ல ,பின்னால் வந்த கலிபாக்களும் அதே நீதியை நிலைநிறுத்தினர். உமர் (ரலி) அவர்கள், தனது கவர்னரான அம்ர் இப்னு ஆஸ்(ரலி) அவர்களுக்கு எழுதிய கடிதத்தில் இவ்வாறு குறிப்பிடுகிறார்கள்; உங்கள் பரிபாலனங்களில் நீதியை நிலைநாட்டுங்கள். இதனால், பலம்மிக்கவர் உங்களிடம் சிறப்பு சலுகைகள் எதிர்பார்க்காதிருக்கட்டும். பலவீனர் உங்கள் நீதி குறித்து அவநம்பிக்கை கொள்ளாதிருக்கட்டும்.” பள்ளியில் நீதி நிலைநாட்டப்படுவது மட்டுமல்ல, பள்ளியே நீதியின் படி தான் காட்டப்படும். எந்தப் பள்ளியும் ஆக்கிரமிப்பிலோ, அபகரித்தோ கட்டப்படுவது இல்லை. அநீதமான முறையில் அபகரிக்கப்படும் ஒன்றில் உருவாவது வழிபாட்டு தலமாக இருக்க இயலாது.மஸ்ஜிதுன்னபவி பள்ளிவாசல் இரண்டு அனாதை இளைஞர்களுக்கு சொந்தமானது. அதை விலைகுடுத்துப் பெற்றே பள்ளி அமைக்கப்பட்டது. ஒருமுறை அம்ர் இப்னு ஆஸ்(ரலி) தான் நிர்வகித்த எகிப்து பகுதியில் ஒரு பள்ளியின் விரிவாக்கத்தின் போது அருகில் இருந்த கிறிஸ்தவ பெண்ணின் வீட்டை இடித்துவிட்டு அதற்காக இழப்பீடு வழங்கினார்கள். இது உமர் (ரலி) அவர்களின் கவனத்திற்கு கொண்டு செல்லப்பட்ட போது கட்டப்பட்ட அப்பள்ளியின் பகுதியை இடித்துவிட்டு மீண்டும் அப்பெண்ணின் வீட்டை கட்டிக்கொடுக்க உத்தரவிட்டார்கள். பள்ளி இழப்பின் பாதிப்பு பள்ளிவாசல் முஸ்லிம்களின் கலாச்சார மையம். ஒற்றுமைக்கான கேந்திரம். ஒரு பள்ளி இல்லையேல் அங்கு முஸ்லிம்களின் ஒற்றுமை ஏற்படாது. முஸ்லிம்களின் வாழ்வியலில் இஸ்லாம் பிரதிபளிக்காது. நபி (ஸல்) கூறினார்கள், “இறையில்லத்தோடு அதிக தொடர்பில் இருப்பவரைக் கண்டால் அவர் இறைநம்பிக்கை உள்ளவர் என சாட்சி சொல்லுங்கள் “ (திர்மிதீ) மற்றொரு ஹதீஸில், தனித்து செயல்படுவதை தவிர்ந்து கொள்ளுங்கள்.கூட்டாக இருப்பது, பொதுமக்களுடன் சேர்ந்து இருப்பது, இறையில்லத்தில் இருப்பதை அவசியமக்கிக் கொள்ளுங்கள். (அஹமத்) பள்ளி இழக்கப்படுவதும், இழிவாக்கப்படுவதும் எதிரிகளின் வெற்றியாகும். ஒவ்வொரு கால படையெடுப்பு மற்றும் தாக்குதலின் போது வழிபாட்டு தளங்கள் தகர்ப்பு என்பது எதிர் சமூகத்தை இழிபடுத்தும் ஒரு அடையாளமாக இருக்கிறது. இன்றும் அதன் எச்சமாக பள்ளிக்கு அருகில் கூச்சலிடுவது, பள்ளியில் அசுத்தங்களை எறிவது போன்றவை அதனை இழிவுபடுத்தும் நோக்கில் செய்யப்படுவதே! பள்ளிவாயில்கள் ஜமாஅத்தாக செயல்பட்டு முஸ்லிம்களின் ஒற்றுமையை, நம்பிக்கையை பறைசாற்றுகிறது. இழப்பின் மூலம் சமூகத்தின் நம்பிக்கை தகர்க்கப்படுகிறது. வரலாற்றின் நம்பிக்கை நபிமார்கள் வாழ்ந்த பூமியும் நபிகளார் தொழுத, புனித பூமியில் அமைந்த, முதல் கிப்லா அமைந்த பள்ளி தான் பைத்துல் முகத்தஸ். அல்லாஹ் கூறுகிறான்; سُبْحَانَ الَّذِي أَسْرَىٰ بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ “(முஹம்மதாகிய) தனது அடியாரை மஸ்ஜிதுல் ஹராமிலிருந்து, நாம் சுற்றுப்புறச் சூழலைப் பாக்கியம் பொருந்தியதாக ஆக்கிய அந்த மஸ்ஜிதுல் அக்ஸா வரை இரவில் அழைத்துச் சென்றவன் தூய்மையானவன். நமது அத்தாட்சிகளிலிருந்து அவருக்கு நாம் காண்பிக்கவே (இவ்வாறே செய்தோம்) நிச்சயமாக அவன் செவியுறுபவன்; பார்ப்பவன்.” (திருகுர்ஆன் 17:1) அபூதர்(ரலி) அவர்கள் கூறுகின்றார்கள். “அல்லாஹ்வின் தூதரே! முதலாவது அமைக்கப்பட்ட மஸ்ஜித் எது? என்று கேட்டேன். (மக்காவில் அமைந்துள்ள) மஸ்ஜிதுல் ஹராம் என்று நபி(ஸல்) அவர்கள் கூறினார்கள். அடுத்து எது? எனக் கேட்ட போது (ஜெரூஸலத்தில் உள்ள) மஸ்ஜிதுல் அக்ஸா எனப் பதிலளித்தார்கள்.” (புஹாரி)  “தபூக் போரின் போது நபி(ஸல்) அவர்களிடம் நான் சென்றேன். அவர்கள் ஒரு தோல் கூடாரத்தில் இருந்தார்கள். அப்போது மறுமை ஏற்படுவதற்கு முன்னர் ஆறு (முக்கிய) நிகழ்வுகள் ஏற்படும். அவற்றை எண்ணிக்கொள் என்று கூறிவிட்டு,எனது மரணம். 2. பைதுல் முகத்தஸ் வெற்றி எனக் கூறினார்கள்.”அறிவிப்பவர்: அவ்ப் இப்னு மாலிக்(ரலி) (புஹாரி) கி.பி. 636 ஆம் ஆண்டு இரண்டாம் கலிபா உமர் (ரலி) அவர்களின் ஆட்சியில் தளபதி காலித் இப்னு வலிது (ரலி) அவர்கள் தலைமையில் ரோமப் பேரரசின் பிடியில் சிக்கிச் சீரழிந்த ஜெருசலம் உள்ளிட்ட பாலஸ்தீனப் பகுதி இஸ்லாமிய ஆட்சியின் கீழ் வந்தது. அங்கு வசித்த கிறிஸ்துவர்களும், யூதர்களும் பகைமையை விட்டு விட்டு சுதந்திர காற்றை சுவாசித்தனர். கிருத்துவத் திருசபை ஒன்று கூடி கலிபா உமர் (ரலி) அவர்களை கம்பளம் விரித்து வரவேற்றனர். 450 ஆண்டுகளுக்கு பிறகு இஸ்லாமியர்களுக்கு மத்தியில் ஏற்பட்ட பிளவின் காரணமாகவும் மார்க்கத்தையும், மஸ்ஜிதையும் பாதுகாக்க தவறியதின் காரணாமாக 1095 ஆம் ஆண்டு முஸ்லிகளின் முதல் கிப்லா யூதர்களின் கையில் சென்றது. பைத்துல் முகத்தஸை மீட்டெடுத்த மாவீரர் இழந்த இல்லத்தை மீட்க 40, 50 ஆண்டுகளாக தொடந்து சிறு சிறு போர்கள் செய்துக்கொண்டு இருந்தனர். கி.பி 1137ஆம் ஆண்டு பிறந்த ஒருவர் தனது இளம் பருவத்தில் சிலுவை படையினருக்கு எதிரான இராணுவத்தில் ஒரு சாதாரண வீரராக சேர்ந்தார். வீரமும், விவேகமும்,  இவரை படிப்படியாக தளபதியிலிருந்து எகிப்தின் ஆளுனராக பதவி உயர்த்தியது. அந்த வீரர் தான் சலாஹுதீன் அய்யூபி (ரஹ்). 36 வயதே ஆன சலாஹுத்தீனுக்கு இருந்த பெருத்த கவலை அல் அக்ஸா பள்ளிவாசலை மீட்பதாகத் தான் இருந்தது. பலம்மிக்க தலைவராக இருந்த அவர் எந்த ஒரு சந்தர்ப்பத்திலும் சிரித்ததை காணவில்லை என்று வரலாற்று அசிரியர்கள் குறிப்பிடுகின்றனர். அது பற்றி அவரிம் கேட்டபோது “அல் அக்ஸா பள்ளிவாசல் சிலுவை வீரர்களின் ஆக்கிரமிப்பில் இருக்கும்போதும் என்னால் எப்படி சிரிக்க முடியும்?” என்று கேள்வி எழுப்பினார். அல்லாஹ்வின் பொருத்தத்தை பெற வேண்டி களம் இறங்கிய இஸ்லாத்தின் போராளிகளுக்கு அல்லாஹ் மகத்தான வெற்றியை பரிசாக அளித்தான். கி.பி. 1095 பறிப்போன பைத்துல் முகத்தஸ் மாவீரர் சலாஹுத்தீன் அய்யூபி அவர்களின் முயற்சியால் கி.பி. 1187 மீண்டும் முஸ்லிகளின் கையில்வந்தது. கி.பி 1095 இல் சிலுவைப் படையினர் முஸ்லிம்களுக்கு செய்த கொடூரத்திற்கு எந்த பழிதீர்க்கும் நடவடிக்கையும் இல்லாமல் அங்கு வாழ்த்த கிறிஸ்துவர்களுக்கும், யூதர்களுக்கும் பொது மன்னிப்பு வழங்கப்பட்டது. முஸ்லிம்களின் கைவசம் ஜெருசலம் ஒரு நாள் ஒரு வருடம் இல்லை 700 வருடங்கள் இருந்தது.. 19ஆம் நூற்றாண்டுகளில் மீண்டும் முஸ்லிம் நாடுகள் தங்களுக்குள் சண்டையிட்டனர். இதனை பயன்படுத்தி ஐரோப்பிய சிலுவை யுத்த வாரிசுகள் உதுமானியப் பேரரசை நயவஞ்சகமாக வீழ்த்தி விட்டு ஜெருசலத்தை முஸ்லிம்களிடமிருந்து கைபற்றினர். பிரான்ஸ் படை தளபதி ஹென்றி கொரோடு அடக்கஸ்தலத்தின் மீது கால் வைத்து: “Awake Salahudeen! We Have Returned, My Presence Here Consecrate The Victory Of The Cross Over Crescent”  “எழுந்திரு சலாவுதீன்! நாங்கள் திருப்பி வந்திருக்கிறோம்! என்னுடைய வருகையின் மூலம் சிலுவை, பிறையை வென்றது” என்றான். கடைசியாக 1924 ஆம் ஆண்டு ஜெருசலம் மீண்டும் யூதர்களின் கையில் சென்று விட்டது. இழப்பு இறுதியல்ல! முஸ்லிம்களின் கரங்களிலிருந்து அநீதமாக ஏதேனும் இழக்கப்பட்டால் நிச்சயம் அது இழப்பு அல்ல. அநீததிற்கு எதிரான முயற்சியில் இழந்ததை நாடும் எண்ணம் இருப்பின் அல்லாஹ் அதை திருப்பி அளிப்பான். நபிகளாரின் தாய் பூமியான மக்காவும், காஃபாவும் அவர்களுக்கு நிம்மதி, மகிழ்ச்சி அளிப்பது. அதனை பிரிந்து ஹிஜிரத் செய்யவேண்டிய தேவை ஏற்பட்ட போது நபிகளார் மிகவும் வருந்தினார்கள். “இவர்கள் என்னை வெளியேற்றவில்லை எனில் உன்னை நான் பிரியமாட்டேன் என “ கண்ணீர் வடித்தார்கள். அல்லாஹ், மக்கா வெற்றியை ஹிஜ்ரி எட்டில் அளித்தான். வெற்றி தளபதியாக மீண்டும் நுழைந்தார்கள். பைத்துல் முகத்தஸ் நபிகளாரின் முன்னறிவிப்புப்படி வெற்றி கொள்ளப்பட்டது. இழக்கப்பட்டது. மீண்டும் கரங்களில் வந்தது. இனி மறுபடியும் கரங்களில் வரும் இன்ஷா அல்லாஹ்! நினைவில் நிறுத்துவோம்! ⇒ நம்பிக்கை இழக்க மாட்டோம்! இஸ்லாம் எத்தனையோ இழப்புகளையும் அநீதங்களையும் சந்தித்துள்ளது. முஸ்லிம்கள் உறுதியும் நம்பிக்கையும் இழக்காது இருக்கும் போதே வெற்றி ஏற்பட்டுள்ளது. يَا بَنِيَّ اذْهَبُوا فَتَحَسَّسُوا مِنْ يُوسُفَ وَأَخِيهِ وَلَا تَيْأَسُوا مِنْ رَوْحِ اللَّهِ ۖ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ   "அல்லாஹ்வின் அருளில் நம்பிக்கை இழக்காதீர்கள்! (ஏக இறைவனை) மறுக்கும் கூட்டத்தைத் தவிர வேறு எவரும் அல்லாஹ்வின் அருளில் நம்பிக்கை இழக்க மாட்டார்கள்".(திருக்குர்ஆன் 12:87) ⇒ மஸ்ஜிதின் மகத்துவம் உள்ளத்தில் ஏந்துவோம்! பள்ளிவாசல்களின் மாண்புகளையும், அதன் கட்டமைப்பையும் வார்த்தைகளில் மட்டுமின்றி செயல்களால், இபாதத்துகளால் அலங்கரிப்போம். ⇒ பள்ளிகளை ஆவணப்படுத்துவோம்! பாபரியாகட்டும், வேறு பள்ளிகளாகட்டும் ஆவணங்களில் இருக்கும் குறைப்பாடு பிற்காலத்தில் அதனை எதிரிகளால் சர்ச்சைக்கு உள்ளாக்கபடுகிறது. இதே போன்று பல இடங்களில் இருக்கும் முஸ்லிம்களின் கபர்ஸ்தான் இடங்களும் ஆவணப்படுத்தப்படவேண்டியதே. ⇒அடுத்த தலைமுறைக்கு கற்றுகொடுப்போம்! தன் வரலாறு அறியாத சமூகம் வரலாறு படைக்க இயலாது. அதே போன்று நமக்கு எதிரான அநீதங்களையும் ,நாம் இழந்த உரிமைகளையும் நமது சந்ததிகளுக்கு கற்றுக்கொடுக்க வேண்டும். இது நடைபெறாது போயிருந்தால் சுதந்திர போரே நடந்திருக்காது. ⇒அல்லாஹ்வின் சொத்தை பாதுகாப்போம்! பள்ளிவாசல்கள் தனிநபர் சொத்தல்ல. எத்தனை தனி நபர்கள் கட்டிக்கொடுத்தாலும் அவை வக்ப்செய்யப்படுவதே! அல்லாஹ்வின் சொத்தில் தனி நபர்கள் சமரசம் செய்யவோ, விட்டுகொடுக்கவோ இயலாது. முஸ்லிம்கள் தான் அதனை பராமரிப்பவர்கள்; பாதுகாப்பவர்கள். நபிகளார் கூறினார்கள்; “நீங்கள் ஒவ்வொருவரும் பொறுப்பாளிகளே. உங்கள் பொறுப்புக்குட்பட்டவை பற்றி நீங்கள் விசாரிக்கப்படுவீர்கள்.” يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ   ‘விசுவாசிகளே! நீதியை நிலைநாட்டுவதில் அல்லாஹ்வுக்காக நீங்கள் உறுதியான சாட்சியாக இருங்கள். மக்களில் ஒரு சாரார் மீது உங்களுக்குள்ள வெறுப்பும் பகையையும் அவர்களுக்கு அக்கிரமம்செய்வதற்கு உங்களைத் தூண்டாதிருக்கவும் (எவ்வளவு குரோதமிருந்த போதிலும்) நீங்கள் நீதியே செலுத்துங்கள். அதுதான் பரிசுத்தத் தன்மைக்கு மிகவும் நெருங்கியது. (அல்குர்ஆன் 5:8)  

நம்பிக்கையான எதிர்காலத்திற்கு நபிகளாரே முன்மாதிரி நிராசைகளையும்,அவநம்பிக்கைகளையும் நோக்கிநகர்ந்து கொண்டிருக்கும் சமகால முஸ்லிம் சமூகத்திற்கு நபிகளார்{ஸல்} அவர்களது வாழ்வு எவ்வாறெல்லாம் நம்பிக்கை ஊட்டுகிறது அதற்கான வழிகள்என்னென்ன என்பதை பகிர்ந்து கொள்வதே இந்தஜும்மா உரையின் நோக்கம் ஆகும். நமது தேசத்தில் பாசிச  சங்கப் பரிவார சக்திகளின் அழிச்சாட்டியம்  நாளுக்கு நாள் அதிகரித்துக் கொண்டே வருகிறது அதுவும் அவர்களது அனைத்து அஜண்டாக்களும் முஸ்லிம்களை முன்னிறுத்தியே அமைகின்றது இதற்காக அரசு இயந்திரங்கள் இயன்றளவு பயன்படுத்தப்படுகின்றன. இப்படிப்பட்ட சூழ்நிலையில் தேசத்தில் வாழும் இஸ்லாமியர்கள் மனோநிலை அச்சத்திலும் அவநம்பிக்கைகளிலும் அதிகப்படுத்திக் கொண்டே இருக்கிறது.  ஷரியத்திற்கு  எதிரான நடவடிக்கைகளை எதிர் கொள்வதில் கூட அனுசரிப்பு மனப்பான்மை வளர்ந்து வருகின்றது இக்கட்டான சூழலுக்கு இறுதி தூதர் ஸல்லல்லாஹு அலைஹி வஸல்லம் அவர்களது வளமான வாழ்வியலை அவர்கள் பிறந்த மாதத்தில் ஆய்வு செய்து அதில் கிடைக்கும் படிப்பினைகளையும் பாடங்களையும் நடைமுறைப்படுத்துவது இறைநம்பிக்கையாளர்கள் ஒவ்வொருவரின் மீதும் அதி முக்கிய கடமையாகும். பெருமானார் {ஸல்} அவர்களது வாழ்வில் பிரச்சனைகளும், தீர்வுகளும்,  அண்ணலார்{ஸல்} அவர்களது வாழ்வு ஆதி முதல்   அந்தம் வரை பிரச்சனைகள் நிறைந்ததாக  காணப்பட்டது. ஆனால் அவற்றையெல்லாம் அண்ணலார் எவ்வாறு எதிர்கொண்டு தீர்வுகண்டார்கள் என்பது  ஏககாலத்திற்கானமுன்மாதிரியாகும்.  சத்திய பாதையில் பயணிக்கும் சமூகங்களுக்கு கடல் அலைகள் போன்று ஒன்றன்பின் ஒன்றாக பிரச்சனைகளும் சோதனைகளும் வந்து கொண்டேதான் இருக்கும் இதனை நமக்கான நல்லதொரு வாய்ப்பாக கருதவேண்டுமே தவிர  நமக்கு ஏற்பட்டுள்ள தடைக்கற்களாக எண்ணிவிடக்கூடாது எப்படி காற்றின் அழுத்தத்தால் பாய்மரக்கப்பல் கடலில்பயணிக்குமோ அதுபோல வேசாதனையான வாழ்க்கை பயணத்திற்கு பிரச்சனைகள் எனும்காற்று மிகவும் அவசியமானதே!  காற்றுக்கு ஆங்கில வார்த்தை AIR  என்பதாகும் AIR  என்ற வார்த்தைக்கு ஃபுல் ஃபார்ம் இப்படியும் குறிப்பிடுகிறார்கள் ஐ அம் ரெடி am I ready நான் தயாராக இருக்கிறேன் நான் எதற்கும் தயார் என்கின்ற மனப்பான்மை ஏந்தல் நபியிடம் எப்போதும் இருந்த காரணத்தினாலேயே எண்ணற்ற பிரச்சினைகளிலும் எண்ணிலடங்கா சாதனைகளை நிகழ்த்த முடிந்தது. எனவே பிரச்சினையின் போது நபிகளார் கடைப்பிடித்த பண்புகளை பற்றிப் பிடித்து நடந்தால் நம்பிக்கையான எதிர்காலத்தை நம்மாலும் பெற்றிட முடியும் என்பதை ஆள்  மனதில் நிறுத்த வேண்டும்.  பிரச்சனைகள் பலவீனப்படுத்துவதற்கல்ல  பலம் பெறுவதற்ககே!  சத்திய இறைவிசுவாசியின் வாழ்வு சோதனைகளும் பிரச்சனைகளும் நிறைந்ததாக அமைவது அவன் பலம் பெறுவதற்குதான் என்பதற்கு பெருமானாரின் வாழ்வு மிகப்பெரும் எடுத்துக் காட்டாகும்.  பிறக்கும் முன்பே தந்தையையும் பிறந்த சில காலத்திலேயே தாயையும் இழந்து அனாதையாக குடும்பத்தாரின் அரவணைப்பிலேயே வளர்ந்தார் அண்ணல் பெருமானார் பெற்றோரின்  அன்பும் அரவணைப்பும் அவர்களுக்கு அறவே கிடைக்கவில்லை. ஏழ்மையின் கடுமையை சிறுவயது முதலே எதிர்கொண்டு அவற்றை எல்லாம் தகர்த்தெறிய அண்ணலார் ஆடுமேய்த்த வரலாறுகள் கூட உண்டு.  அடுத்தடுத்துபிரச்சனைகள் வந்த போதிலும் வாடாத மனம் கொண்டு இன்முகத்துடன் தன் இளமைப் பருவத்தை மக்கள் பணியில் கழித்தார்கள் அதன் விளைவு தான் வயது 40தில்   நுபுவ்வத்  பொறுப்புகிடைக்கப்பெற காரணமானது.  நுபவத்திற்கு பிறகுதூதுத்வ  பிரச்சாரத்தை தனியொரு ஆளாக நின்றுது வங்கினார்கள் நபியவர்கள் அதுவரை அமீன் என்றும் சாதிக்கு என்றும் கண்ணியப்படுத்தப்பட்ட  கருணை நபி சூனியக்காரர் பைத்தியக்காரர் என்று வசைபாடுதல்களுக்கு ஆளானார்கள். அவர்கள் மக்கள் முன் எடுத்து வைத்த ஏகத்துவ நெறி.  கட்டுக்கதைகளாக சித்தரிக்கப்பட்டன. சாந்த நபி அவர்கள் அவற்றை சகிப்புத்தன்மையுடன் எதிர்கொண்டார்கள்  ஏகத்துவ இஸ்லாமிய நெறியான நெறியினை மக்கள் முன் எடுத்து வைத்தகாரணத்தினால் ஒட்டு மொத்த குறைஷிகளும் ஒன்றிணைந்து சமூகபரிஷ்காரம் செய்தார்கள்  அபூதாலிப் பள்ளத்தாக்கில் உணவுக்கு கூட வழியின்றி இலைகள் உண்டு இன்னல்களை பல சந்திக்கும் நிலைஏற்பட்டது.  சுஜூதில் இருக்கும் போது பரிசுத்த நபியின் புனித மேனியில் ஒட்டகக்குடல்கள் போடப்பட்டன. அப்போதும் கூட அல்லாஹ்வை தியானிப்பது தளர்ச்சி காணவில்லை நபியவர்கள்.  இஸ்லாமிய பிரச்சார பிரச்சாரத்திற்கு பக்கபலமாக திகழ்ந்த அபூதாலிப் அவர்களும் அன்னை கதீஜா ரலி அவர்களும் இவ்வுலகை விட்டுப் பிரிந்த சமயம் அதற்கான ஆறுதலை தேடி பயணித்தார்கள் தாயிப்  நோக்கி  ஆனால் அங்கே  தலைகீழான பிரதிபலனை   காணமுடிந்தது.  கல்லாலும் சொல்லாலும்    சொல்லொண்ணா  துயரங்களை தாங்கிக் கொண்ட பெருமானார் {ஸல்} தன் இயலாமையை பிரார்த்தனை மூலம் இறைவனிடம் முறையிட்டார்கள்.  இப்படிப்பட்ட கடின சூழ்நிலையிலும் சற்றும் நிராசை அடையவில்லை நபிகளார்.  இதன் பிறகு ஏற்பட்ட ஹிஜ்ரத்தும் சரி  மதினாவின் அனைத்துப் போராட்டங்களும் சரி சத்திய தூதரின் சாதனைகளுக்கு வித்தாக அமைந்தன.  ஏராளமான பிரச்சினைகளின் போதும் ஏந்தல் நபியவர்கள் நிலை குலையாது நின்று அவற்றை எதிர்கொண்டு சாதனைகளாக  மாற்றிட  அவர்கள் கடைப்பிடித்த அணுகுமுறைகள் முக்கிய காரணிகளாகும்.  பிரச்சினைகளை எதிர்கொள்ள நாம் கடைப்பிடிக்க வேண்டிய அணுகுமுறைகள் அச்சத்தை அடி பணியைச் செய்வோம்!   அச்சம் மனதில் அண்டிக் கொள்ளும்போது ஆற்றல்கள் குன்றிப்போகும் அஞ்சுவதும் அடிபணிவதும் அல்லாஹ் ஒருவனுக்கே என்பது வார்த்தைகளால் மட்டும் சுருங்கி விடக்கூடாது நமது அன்றாட வாழ்வில் மிளிர வேண்டும்.  உறுதிமிக்க நபிமார்களின் பட்டியலில் நபி மூஸா அலை அவர்கள் இடம்பெற இறைவன்   கற்பித்துத் தந்த  பண்பு “பயப்படாதே” என்பதுதான். يٰمُوْسٰى لَا تَخَفْ   அல்லாஹ் கூறுகின்றான்    மூஸாவே  நீர் பயப்படாதீர் நீங்கள் உயர்வானவர்கள் {அல்குர்ஆன் 27:10 }  இறுதித்தூதர் முஹம்மது ஸல் அவர்களது வாழ்விலும் இதற்கு எடுத்துக்காட்டு உண்டு. ஹிஜ்ரத்தின் போது  ஹிரா குகையில் தங்கியிருந்த சமயம் எதிரிகள் தங்களை நெருங்கிய சமயத்தில் நிலைகுலையாமல் அவற்றை எதிர் கொண்டார்கள்.  நீ மரணிக்க  ஆசைப்பட்டால் வாழ்க்கை உனக்கு பரிசாக வழங்கப்படும் என்ற ஒரு அறிஞனின் கூற்று நிகழ்காலத்திலும் நிஜமாகுவதற்கு நிறையவே வாய்ப்புகள் உண்டு.   சமீபத்தில் மத்தியபிரதேச மாநிலத்தில் நிகழ்ந்த சம்பவத்தை நாம் முகநூல் வாட்ஸ் அப்பில் படித்திருக்கலாம் #அஸ்லம்  என்ற இருபத்தி மூன்று வயது  இளைஞர் தியாகத் திருநாளை கொண்டாடுவதற்காக தன் உறவினர் வீட்டுக்குச் சென்றுள்ளார். உறவினர்களுடன் அருகிளிருந்த அணைக்கட்டுக்கு சென்ற போது சில இளைஞர்களால் அஸ்லம் மற்றும் அவரது   சகோதரிகளை தகாத வார்த்தைகளால் அந்த இளைஞர்கள் பேசியுள்ளனர். இதனால் அஸ்லமிற்கும்    அந்த இளைஞர்களுக்கு மத்தியில் தர்க்கம்  ஏற்பட்டுள்ளது.  வீட்டிற்கு திரும்பிய அஸ்லத்தை  பின்தொடர்ந்து வந்து பிரச்சனையில் ஈடுபட்டுள்ளனர் அந்த இளைஞர்கள் பிறகு வீட்டிற்கு திரும்பிய அஸ்லத்தின்  ஆட்டோவை வழிமறித்து தாக்க முயன்றுள்ளனர் என்னை விட்டுவிடுங்கள் என அஸ்லம்  கெஞ்சியும் அந்த அக்கிரமக்கார இளைஞர்கள் அவரை  அடித்து கொல்ல முனைந்துள்ளனர் . தான் கொல்லப்படுவது  என்பது உறுதியான போது குர்பானி கொடுப்பதற்கு தான் வைத்திருந்த உபகரணங்களைக் கொண்டு திருப்பித் தாக்கி உள்ளார் அந்த கும்பலில்   மூன்று பேர் படு காயம் அடைகின்றனர் இருவர் சம்பவ இடத்திலேயே  மரணம் அடைந்தனர் இதனை கண்ட அந்த  கும்பல்   சிதறி ஓடியது,  இச் சம்பவம் நமக்கு உணர்த்துவது உண்மை நம் பக்கம் இருக்கையில் அச்சப்படாமல் நமது ஆற்றல்களைப் பிரயோகித்தால் எத்தகைய பிரச்சினைகளையும் எளிதில் நம்மால் வென்றெடுக்க முடியும் என்பதை உணர்த்துகின்றது.  ஆற்றல்களை நிறைவாக வளர்த்துக் கொண்டால்  பாரதூரமான பிரச்சனைகளையும் வலிமையுடன் எதிர்கொள்ள முடியும் அதனால் தான் “பலவீனமான மூமினை விட பலம் உள்ள மூமிமீன் அல்லாஹ்விடத்தில் மிகப் பிரியமானவன்” என்ற உத்வேகத்தை ஏந்தல் நபியவர்கள் கூறினார்கள்  மேலும் ஒரு நபி மொழியில் “மக்கள் சுரங்கங்கள் ஆவார் தங்கம் மற்றும் வெள்ளி சுரங்கங்களை போல” என்று கூறினார்கள் சாதாரண மக்களிடமே சுரங்கங்கள் உண்டு என்கிற போது ஏகத்த்துவத்தையும் ஈமானிய  உணர்வுகளையும் சுமந்து கொண்டுள்ள சத்திய விசுவாசிகளிடம் எத்தகைய சுரங்கம் பொதிந்து கிடக்கும் என்பதை எண்ணிப்பார்க்கவேண்டும்.  தன்னுள் வைத்துக் கொண்டு அற்ப சொற்ப தங்க வெள்ளிக்காக  அலைந்து திரியலாமா?  என்ற கேள்வி நம் ஆள்  மனதில் ஒலித்துக் கொண்டே இருக்க வேண்டும்.  துல்லியமான திட்டமிடல் நம்மிடம் இருந்தால் எத்தகைய பிரச்சனைகளை எதிர்கொள்வதற்கும், நம்மை தற்காத்து கொள்வதற்கும் வாய்ப்பாக இருக்கும். நபி ஸல் அவர்கள் காலத்தில் நடந்த பல்வேறு யுத்தங்கள் தெளிவான திட்டமிடுதல் இருந்த்தனாலேதான் வெற்றிகள் கிடைத்தது.  அண்ணலார் (ஸல்) வகுத்த தற்காப்புத் திட்டம் நபி (ஸல்) தங்களது படையைக் கட்டமைத்தார்கள். பல அணிகளாக அவர்களை நியமித்த பின்பு திறமையாக அம்பெய்வதில் நன்கு தேர்ச்சி பெற்றிருந்த 50 வீரர்களைத் தேர்ந்தெடுத்து அவர்களுக்குத் தலைவராக பத்ர் போரில் கலந்து கொண்ட அவ்ஸ் கிளையைச் சேர்ந்த அப்துல்லாஹ் இப்னு ஜுபைர் இப்னு நுஃமான் அல் அன்ஸாயை (ரழி) நியமித்தார்கள். பின்பு அவர்களை ‘கனாத்’ என்ற பள்ளத்தாக்கின் வடக்குப் பக்கம் அமைந்துள்ள மலையில் நிலையாக தங்கி, முஸ்லிம்களை பாதுகாக்க வேண்டுமென்று பணித்தார்கள். இம்மலை முஸ்லிம்களின் ராணுவ முகாம்களிலிருந்து தென் கிழக்கில் சுமார் 150 மீட்டர் தொலைவில் இருந்தது.  நபி (ஸல்) இந்த அம்பு எறியும் வீரர்களுக்குக் கூறிய அறிவுரைகளிலிருந்து இப்படையினரை அங்கு நியமித்ததின் காரணத்தைத் தெரிந்து கொள்ளலாம். நபியவர்கள் தளபதிக்குக் கூறிய உபதேசம் வருமாறு: “எதிரிகளின் குதிரைப் படை எங்களை நெருங்கவிடாமல் அம்பெய்து அவர்களை நீர் தடுக்க வேண்டும். எதிரிகள் எங்களுக்குப் பின்புறத்திலிருந்து வந்துவிடக் கூடாது. போர் நமக்கு சாதகமாக அல்லது பாதகமாக அமைந்தாலும் நீர் உனது இடத்தில் நிலையாக இருக்க வேண்டும். உமது வழியாக எதிரிகள் எங்களை தாக்கிவிடக் கூடாது.” (இப்னு ஹிஷாம்)  இவ்வாறு தளபதிக்கு உபதேசம் செய்த பிறகு, மற்ற வீரர்களுக்கு நபி (ஸல்) பின்வருமாறு அறிவுரை கூறினார்கள்: “நீங்கள் எங்களின் முதுகுப் பக்கங்களை (பிற்பகுதியை) பாதுகாத்து கொள்ளுங்கள், நாங்கள் போரில் கொல்லப்படுவதைப் பார்த்தாலும் நீங்கள் எங்களுக்கு உதவ வராதீர்கள் நாங்கள் வெற்றி பெற்று பொருட்களைச் சேகரிப்பதைப் பார்த்தாலும் அதிலும் நீங்கள் எங்களுடன் இணைந்து விடாதீர்கள்.” (முஸ்னது அஹ்மது, முஃஜமுத் தப்ரானி)  மூஃதா போர் வெற்றிக்கு (ஸல்) அருமையான திட்டம்  படைத் தளபதிகள்: நபி (ஸல்) அவர்கள் இப்படைக்கு முதலாவதாக ஜைது இப்னு ஹாஸாவை (ரழி) தளபதியாக ஆக்கிவிட்டு “ஜைது கொல்லப்பட்டால் ஜஅஃபர் தளபதியாக இருப்பார் ஜாஃபரும் கொல்லப் பட்டால் அப்துல்லாஹ் இப்னு ரவாஹா தளபதியாக இருப்பார்”என்று கூறி வெள்ளை நிறக் கொடியை ஜைது இப்னு ஹாஸா (ரழி) கையில் கொடுத்தார்கள். (ஸஹீஹுல் புகாரி) قال رسول الله صلى الله عليه وسلم يوم مؤتة ـ مخبراً بالوحي، قبل أن يأتي إلى الناس الخبر من ساحة القتال : أخذ الراية زيد فأصيب، ثم أخذ جعفر فأصيب، ثم أخذ ابن رواحة فأصيب ـ وعيناه تذرفان حتى أخذ الراية سيف من سيوف الله، حتى فتح الله عليهم (بخارى-3063  முஃதா போர்க்களச் செய்திகளை அல்லாஹ் வஹியின் மூலமாக நபியவர்களுக்கு உடனுக்குடன் தெரிவித்தான். போரின் போது நபி (ஸல்) அவர்கள் கூறினார்கள்: “முதலில் கொடியை ஜைது ஏந்தினார் அவர் கொல்லப்பட்டார் இரண்டாவதாக ஜஅஃபர் ஏந்தினார் அவரும் கொல்லப்பட்டார் மூன்றாவதாக அப்துல்லாஹ் இப்னு ரவாஹா ஏந்தினார் அவரும் கொல்லப்பட்டார் -இவ்வாறு சொல்லிக் கொண்டிருக்கும் போது நபியவர்களின் கண்களிலிருந்து நீர் வழிந்தோடியது- இதற்குப் பின் கொடியை அல்லாஹ்வின் வாள்களில் ஒரு வாள் ஏந்தியது அல்லாஹ் அவர் மூலமாக முஸ்லிம்களுக்கு வெற்றியளித்தான்.” (ஸஹீஹுல் புகாரி-3063)  மூஃதா போரில் காலிது பின் வலீதின் வெற்றித் திட்டம்.  சண்டை ஓய்கிறது: முஸ்லிம் வீரர்கள் தங்களது முழு வீரத்தையும், திறமையையும், துணிவையும் வெளிக் கொணர்ந்தாலும் கடல் போன்ற மிகப் பயங்கரமான எதிரிப் படைகளைச் சமாளிப்பது மிகச் சிரமமாகவே இருந்தது. இதையறிந்த காலித் இப்னு அல்வலீது (ரழி) முஸ்லிம்களை ஆபத்திலிருந்து தந்திரமாகப் பாதுகாக்க சரியான திட்டம் ஒன்றைத் தீட்டினார்.  போரின் முடிவைப் பற்றி பலவிதமான கருத்துகள் கூறப்படுகின்றன. அந்த அனைத்து அறிவிப்புகளையும் ஒன்று திரட்டி நாம் ஆய்வு செய்யும்போது நமக்குப் புலப்படுவதாவது: கொடியை ஏந்திய அன்றைய தினம் மாலை வரை ரோம் நாட்டுப் படைக்கு முன்பாக மிகத் துணிச்சலாக காலித் (ரழி) எதிர்த்து நின்றார். முஸ்லிம்களைப் பாதுகாப்பதற்கு ஒரு போர் தந்திரத்தைக் கையாண்டார். அது ரோமர்களின் உள்ளங்களில் கடுமையான பயத்தை உண்டு பண்ணியது. அதாவது, முஸ்லிம்கள் பின்னோக்கிச் செல்லும்பொழுது ரோமர்கள் விரட்ட ஆரம்பித்தால் அவர்களிடமிருந்து தப்பிப்பதென்பது மிகக் கடினமே என காலித் (ரழி) நன்கு விளங்கியிருந்தார்.  எனவே, மறுநாள் படைக்கு முற்றிலும் ஒரு புதிய தோற்றத்தை உருவாக்கினார். படையின் முற்பகுதியை பிற்பகுதியாகவும், வலப்பக்கத்தில் உள்ளவர்களை இடப்பக்கத்திலும் மாற்றி அமைத்தார். மறுநாள் காலை போர் தொடங்கியபோது முஸ்லிம்களின் புதிய அமைப்பைப் பார்த்த எதிரிகள் தங்களுக்கு முன் நேற்று இல்லாத புதிய படை இருப்பதைப் பார்த்தவுடன் இவர்களுக்கு உதவிப்படை வந்திருக்கின்றது என்று கூற ஆரம்பித்தனர். சிறுகச் சிறுக அவர்களது உள்ளத்தை அச்சம் ஆட்கொண்டது.  சிறிது நேரம் இரு தரப்பினரும் சண்டையிட்டு கொண்டிருக்கும் போதே தனது படையில் எவ்வித மாற்றமும் ஏற்படாத அளவிற்கு முற்றிலும் பாதுகாப்புடன் படையை பின்னோக்கி அழைத்துச் சென்றார். முஸ்லிம்கள் ஏதோ சதி செய்ய நாடுகின்றனர் என்று எண்ணிய ரோம் வீரர்கள் முஸ்லிம்களைப் பின்தொடர்வதை விட்டுவிட்டு அவர்களும் பின்வாங்கினர். இவ்வாறு முஸ்லிம்களை விரட்டும் எண்ணத்தை கைவிட்டுவிட்டு தங்களது நாடுகளுக்கு எதிரிகள் திரும்பி விட்டனர். இவ்வாறு முஸ்லிம்கள் எவ்வித ஆபத்துமின்றி மதீனா வந்து சேர்ந்தனர். (ஃபத்ஹுல் பாரி, ஜாதுல் மஆது)  நபி ஸல் அவர்களிடம் சோதனைகளை எதிர்கொள்ளக்கூடிய உறுதியான மனவலிமை இருந்தது. இன்று நாம் சந்திக்கும் சோதனைகள் அனைத்தும் இறைவன் நாட்டத்தால் நாளை நமக்கு வெற்றியாக மாறும் என்ற நம்பிக்கை நமது மனதில் உறுதியாக இருக்க வேண்டும்.   3:140 اِنْ يَّمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهٗ ‌ؕ وَتِلْكَ الْاَيَّامُ نُدَاوِلُهَا بَيْنَ النَّاسِۚ وَلِيَـعْلَمَ اللّٰهُ الَّذِيْنَ اٰمَنُوْا وَيَتَّخِذَ مِنْكُمْ شُهَدَآءَ‌ؕ وَاللّٰهُ لَا يُحِبُّ الظّٰلِمِيْنَۙ‏  3:140. உங்களுக்கு ஒரு காயம் ஏற்பட்டது என்றால், அதே போன்று மற்றவர்களுக்கும் காயம் ஏற்பட்டுள்ளது; இத்தகைய (சோதனைக்) காலங்களை மனிதர்களிடையே நாமே மாறி மாறி வரச் செய்கின்றோம்; இதற்குக் காரணம், ஈமான் கொண்டோரை அல்லாஹ் அறிவதற்கும், உங்களில் உயிர்த் தியாகம் செய்வோரை தேர்ந்தெடுத்துக் கொள்வதற்குமே ஆகும்; இன்னும், அல்லாஹ் அநியாயம் செய்வோரை நேசிப்பதில்லை.  அல்லாஹ்வின் மீது  பேராதரவு வைத்தல் எந்த சூழ்நிலையிலும் நாம் அல்லாஹ்வின் மீது ஆதரவு வைக்ககூடியவர்களாக நாம் இருக்கவேண்டும். அதுவே நமக்கு வெற்றியாகும் இதைத்தான் நபி ஸல் அவர்கள் ஒவ்வொரு சோதனையான நேரத்திலும் பின்பற்றினார்கள். மக்காவை விட்டு மதீனாவை நோக்கி பயணமாகும் போது எதிரிகளின் கண்களில் மண்ணை தூவும் நேரத்திலும்,பத்ரின் வெற்றிக்கும், இதுபோன்ற அனைத்து சூழலிலும் நபி ஸல் அவர்கள் அல்லாஹ்வின் பேராதரவை எதிர்பார்த்து இருந்ததினால் அல்லாஹ்வின் உதவி கிடைத்தது.

ஆல் இந்தியா இமாம்ஸ் கவுன்சில் சார்பில் வழங்கப்படும் ஆலிம் களின் குழந்தைகளுக்கான கல்வி உதவி திட்டம் விண்ணப்ப படிவம் பெறுவதற்கு இந்த லிங்கை சொடுக்கவும்   http://www.imamscounciltn.com/uploads/pdf/scholarship.pdf

ஆல் இந்தியா இமாம்ஸ் கவுன்சிலின் சார்பாக டெல்லியில் நடக்கும் விவசாயிகள் போராட்டத்திற்கு ஆதரவு தமிழகத்தைச் சேர்ந்த தேசிய செயலாளர் அப்துல் கபூர் மன்பயீ, தேசிய பொது செயலாளர் முஃப்தி ஹனீப் அஹ்ரார் காஸிமீ,தேசிய ஒருங்கினைப்பாளர் மெளலவி ஹாலிது ரஷாதி மற்றும் டெல்லியின் மாநில பொறுப்பாளர்கள் கலந்து கொண்டனர்  

ஒரே நாளில் குர்ஆன் கற்போம் ஆல் இந்தியா இமாம்ஸ் கவுன்சிலின் மகத்தான நிகழ்ச்சி இமாம்கள் சக்தி பெறுவோம்! சமூகத்தை சக்தி படுத்துவோம்!! என்கிற உன்னத முழுக்கத்தொடு பயணிக்கும் ஆல் இந்தியா இமாம்ஸ் கவுன்சில்அல் ஹம்துலில்லாஹ் திருவள்ளூர் மாவட்ட AIICஆல் இந்தியா இமாம்ஸ் கவுன்சிலின் சார்பில் ஓரே நாளில் குர்ஆன் கற்போம் நிகழ்ச்சி திருத்தணி இஸ்லாம் நகர் அஹ்மத் பின் ஹன்பல் பள்ளிவாசலில் மிகச்சிறப்பாக நடைபெற்றது இதில் ஆரம்பமாக ஹாபிழ் காரி யூசுப் ஹஜ்ரத் அவர்கள் கிராஅத் ஓதினார் ஆல் இந்தியா இமாம்ஸ் கவுன்சிலின் மகத்தான பணிகளை மக்களுக்கு மாவட்ட ஒருங்கிணைப்பாளர் எடுத்துரைத்தார் மாநில செயலாளர் மெளலவி J முஹம்மது இப்ராஹிம் ஃபாஜில் மிஸ்பாஹி ஹஜ்ரத் அவர்கள்🕌"ஓரே நாளில் குர்ஆன் கற்போம்"🕌 பாடத்தை சாமானிய மக்களுக்கு நடத்தினார் அல் ஹம்துலில்லாஹ்அனைத்து மக்களுக்கும் அல்லாஹ் திருக்குர்ஆன் எந்த அளவுக்கு இலகு என்பதை காட்டித்தந்தான் அனைத்து மக்களுக்கும் மிகுந்த மகிழ்ச்சி நாங்கள் இனி அல்லாஹ்விடம் பேசுவோம் என்று உறுதியளித்து சென்றார்கள்அல் ஹம்துலில்லாஹ் திருத்தணி இஸ்லாம் நகர் பள்ளி வாசல் இமாம் மெளலவி ஹாபிழ் முஹம்மது இலியாஸ் ஹஜ்ரத் அவர்கள் நன்றியுரை நிகழ்த்தினார் இறுதியில்மாவட்ட ஒருங்கிணைப்பாளர் மெளலவி ஹாபிழ் H. அப்துல் காதிர் ஜைனி ஹஜ்ரத் அவர்கள் துஆவோடு கூட்டம் நிறைவுற்றது  

  நான்_அறிந்த_நபிகள்_நாயகம் ஆவணப்படம் ஆல் இந்தியா இமாம்ஸ் கவுன்சில் சார்பில் ஆண்டுதோறும் முஹம்மது நபி (ஸல்)அவர்கள் பிறந்த மாதத்தில் முஹம்மது நபி ஸல் அவர்களின் வாழ்வியலை அனைவருக்கும் கொண்டு செல்லும் விதத்தில் தொடர்பிரச்சாரம் செய்து வருகின்றோம். அதனடிப்படையில் இந்த வருடமும் புரட்சித்தூதர் முஹம்மது ஸல் என்ற தலைப்பில் வருகின்ற டிசம்பர் 2௦-2௦16 முதல் ஜனவரி 15 -2௦17வரை தொடர் பிரச்சாரம் செய்வதற்கு முடிவு செய்துள்ளோம். இந்த பிரச்சாரத்தின் ஒரு பகுதியாக தலைவர்களின் பார்வையில் முஹம்மது (ஸல்)அவர்கள் என்ற நோக்கத்தில் நான் அறிந்த நபிகள் நாயகம் என்ற தலைப்பில் ஆவணப்படம் தயாரிக்க முடிவு செய்து அதற்காகாக பல அரசியல் தலைவர்கள் மற்றும் சமூக தலைவர்களை சந்தித்து நபி(ஸல்) அவர்களைப்பற்றி அவர்களின் கருத்துக்களை கேட்டறிந்து அதனை ஆவணமாக்கபட்டு வெளியிடப்பட்டது  

ஆல் இந்தியா இமாம்ஸ் கவுன்சிலின் மதுரை மாவட்ட செயற்குழு மாட்டுத்தாவணி பள்ளி வாசலில் 11.04.2017 அன்று நடைபெற்றது அதில் ,1.வருகிற கோடைகாலத்தில் விளாச்சேரி, சர்வேயர் காலனி ஆகிய இரண்டு இடங்களில் கோடைகால பயிற்சி வகுப்புகள் நடந்துவது.2.இமாம்ஸ் கவுன்சில் சார்பாக செயல்படும் இப்னு ஸபீல் என்ற வழிபோக்கர்களுக்கு உதவி செய்யும் திட்டத்தை மாவட்டம் தோறும் அறிமுகம் செய்வது.3.டெல்லில் உள்ள ஜிந்தர்மந்தரில் போராடி வரும் தமிழக விவசாயிகளை பிரதமர் சந்திக்க வேண்டும். 4.ராஜஸ்தானில் பாலுக்காக மாடுகளை வாங்கியவர் பசு பாதுகாப்பு படை என்ற இந்துத்துவ வன்முறையாளர்களால் கொலை செய்ததைஆல் இந்தியா இமாம்ஸ் கவுன்சில் வன்மையாக கண்டிக்கிறது. ஆகிய தீர்மானங்கள் நிறைவேற்றப்பட்டன.   இப்படிக்கு மெளலவி H.சிக்கந்தர் பைஜி செய்தி தொடர்பாளர் ஆல் இந்தியா இமாம்ஸ் கவுன்சில் மதுரை மாவட்டம் 

  ஆல் இந்தியா இமாம்ஸ் கவுன்சிலின் தமிழ்நாடு மாநில பொதுக்குழு திருச்சி மௌலவி டாக்டர் A.ஆபிருத்தீன் மன்பஈ அவர்களின் தலைமையில் நடைபெற்றது. இதில் ஆரம்பமாக இறைவசனம் மௌலவி S.அப்துல் காதர் ஹசனி அவர்கள் ஓதி துவங்கி வைத்தார்கள் வரவேற்புரை மாநில செயலாளர் மௌலவி R.M.அபூபக்கர் சித்திக் ரஷாதி அவர்கள் நிகழ்த்தினார்கள்.ஆண்டறிக்கையை மாநில பொதுச்செயலாளர் மௌலவி இப்ராஹீம் மிஸ்பாஹி அவர்கள் வாசித்தார்கள். அதன் பின்பு தேசிய பொதுச் செயலாளர் மௌலவி ஹனிஃப் அஹ்ரார் மற்றும் தேசிய செயலாளர் மௌலவி அப்துல் கஃபூர் மன்பஈ அவர்கள் புதிய மாநில நிர்வாகிகளை தேர்வு செய்வதற்க்காக எலக்சன் நடத்தினார்கள். இதில் கீழ் வரும் நபர்கள் பொறுப்பாளியாக தேர்வு செய்யப்பட்டார்கள். தலைவர்: மௌலவி A.ஆபிருத்தீன் மன்பஈ துணைத்தலைவர்: 1. மௌலவி மீரான் முஹைதீன் அன்வாரி 2. மௌலவி ஆதம் ஷஃபியுல்லாஹ் இல்ஹாமி பொதுச்செயலாளர்: மௌலவி M.S.ஷம்சுல் இக்பால் தாவூதி செயலாளர்: 1. மௌலவி j.இப்ராஹீம் மிஸ்பாஹி 2. மௌலவி k.அரசத் அஹமது அல்தாபி பொருளாளர்: மௌலவி R.M.முஹம்மது அபூபக்கர் சித்திக் ரஷாதி மாநில செயற்குழு உறுப்பினர்கள்: 1. மௌலவி செய்யது முஹம்மது உஸ்மானி 2. மௌலவி அப்துல் காதர் ஹசனி 3. மௌலவி முஹம்மது நாஃபி 4. மௌலவி நூர் முஹம்மது ரியாஜ் தாவூதி 5. மௌலவி முஹம்மது யஹ்யா தாவூதி 6. மௌலவி தமீமுல் அன்சாரி காஷிபி 7. மௌலவி செய்யது இப்ராஹீம் உஸ்மானி 8. மௌலவி முஹம்மது பைசல் மக்தூமி இந்த பொதுக்குழுவில் கீழ்காணும் தீர்மானம் நிறைவேற்றப்பட்டது. தீர்மானம்:1 வக்பு வாரியத்தை முறைப்படுத்த வேண்டும். வக்பு சொத்துக்கள் ஆக்கிரமிக்கப்டுவதை தடுத்து நிறுத்த வேண்டும். வக்பு வாரியத்திற்கு சேர்மன் நியமனம் செய்யவேண்டும்.என்ற கோரிக்கைகளை வலியுறுத்தி தொடர்ந்து ஆல் இந்தியா இமாம்ஸ் கவுன்சில் பல்வேறு போராட்டங்களும், ஆர்பாட்டங்களும் நடத்தி வருகின்றது ஆனால் இதுவரையிலும் தமிழக அரசு ஒரு முயற்சியை கூட எடுக்கவில்லை என்பது வேதனையான ஒன்று.வக்பு வாரியம் குறித்த முஸ்லிம்களின் கோரிக்கையை நடைமுறைப்படுத்த தமிழக அரசு உடனடியாக முன்வரவேண்டும். தீர்மானம்: 2 தமிழக நலனில் அக்கரை காட்டாமல் தொடர்ந்து பாரபட்சம் காட்டி வரும் மத்திய, அரசை கண்டிக்கிறோம். சென்னை, திருவள்ளூர், காஞ்சிபுரம் மற்றும் அதன் சுற்றுப் புறத்தையும் நாசக் காடாய் மாற்றிய வர்தா புயல் மிகப் பெரும் பாதிப்பை ஏற்படுத்தி சென்றது தமிழக அரசு பிரதமரை சந்தித்து ஆயிரம் கோடி தமிழகத்திற்கு நிவாரணமாக தேவை கோரிக்கை வைத்தது ஆனால் அதற்க்கான முழுமையான எந்த ஒன்றையும் மத்திய அரசு வழங்க வில்லை விவசாயிகள் தங்களது வாழ்வாதார பிரச்சனைகளை முன்னிறுத்தி 22 நாட்களாக போராட்டம் நடத்தி வருகின்றார்கள் அனால் பிரதமர் அவர்களை முகம் கொடுத்து கூட பார்க்காமல் புறக்கணித்து வருகின்றார் தமிழக மீனவர்கள் தொடர்ந்து இலங்கை ராணுவத்தால் சித்திரவதை செய்யப்பட்டு வருகிறார்கள் இதனை கண்டித்து மத்திய அரசு சரியான நடவடிக்கை எதுவும் எடுக்காமல் இருந்து வருகின்றது இதுபோன்று தமிழக நலனில் அக்கரை காட்டாமல் தொடர்ந்து பாரபட்சம் காட்டி வரும் மத்திய, அரசை கண்டிக்கிறோம். தீர்மானம்: 3 பாபர் மசூதியை கட்டி எழுப்புவதே நீதி! 500 ஆண்டுகளுக்கு மேலாக இந்தியாவின் அடையாள சின்னமாகவும் முஸ்லிம்களின் வழிபாட்டுத்தலமாகவும் விளங்கி வரும் பாபர் மசூதி பாசிச பயங்கரவாதிகளால் இடித்து தரைமட்டமாக்கப்பட்டது அப்போதைய காங்கிரஸ் அரசால் நியமனம் செய்யபட்ட லிபர்ஹான் கமிஷன் 18 வருடம் கழித்து அத்வானி, உமாபாரதி, முரளி மனோகர் ஜோஷி உட்பட 67 நபர்கள் இந்த பாதக செயலுக்கு காரணம் என சொல்லியது ஆனால் அவர்கள் தண்டிக்கப்படவில்லை. முஸ்லிம்கள் நீதி மன்றத்தில் நீதியை எதிர்பார்த்தார்கள். அடுத்து 2009 ம் ஆண்டு செப்டம்பர் 3௦ ம்தேதி அலகாபாத் நீதி மன்றம் முஸ்லிம்களின் பூர்வீக சொத்தான பாபர் மசூதி நிலத்தை மூன்றாக பிரித்து ஒரு பங்கை முஸ்லிம்களிடத்தில் கொடுத்தது அப்போதும் இந்த முஸ்லிம்கள் உச்ச நீதி மன்றத்தை நாடி நீதியை எதிர் பார்த்தார்கள் ஆனால் இப்பொழுது நீதி மன்றம் நீதிமன்றத்திற்கு வெளியே இந்த பிரச்சனையை பேசி தீர்த்து கொள்ள சொல்வதில் என்ன அர்த்தம் உள்ளது என்பது புரிய வில்லை இத்தகைய அறிவிப்பு தேசத்தின் நீதியை அவமதிக்க கூடியதாக மாறிவிடும் எனவே உரிய நீதியை உச்ச நீதி மன்றம் வழங்க வேண்டும் லிபர்ஹான் சுட்டிக்காட்டிய குற்றவாளிகள் தண்டிக்கபடவேண்டும். தீர்மானம் -4 நமது இந்திய தேசம் பன்முகத்தன்மை கொண்ட மதசார்பற்ற அரசியலமைப்பு கொண்ட தேசம் இந்த தேசத்தில் வாழும் அனைவருக்கும் அவர்களன் விரும்பிய அடிப்படையில் மதத்தை பின்பற்ற ஷரத்து எண் 25 கீழ் அனுமதி வழங்கப்பட்டுள்ளது ஆனால் அந்த சுதந்திரத்தை பறிக்கும் விதத்தில் மத்திய அரசு முஸ்லிம்களின் ஷரியத் சட்டமான முத்தலாக் விஷயத்தில் மூக்கை நுழைப்பது கண்டனத்திற்குரியது. இந்திய அரசியலமைப்பு சட்டத்திற்கு எதிராகவும், மதசார்பற்றதன்மைக்கு எதிராகவும் செயல்படுவது தேசநலனிற்கு எதிரானது, தேசவளர்ச்சிக்கு எதிரானது எனவே மத்திய அரசு இத்தைகைய செயல்பாட்டினை விட்டுவிட்டு தேசத்தின் வளர்ச்சியில் கவனம் செலுத்தவேண்டுமென கேட்டுக்கொள்கின்றது. தீர்மானம் – 5 விவசாயிகளின் போராட்டத்திற்கு ஆதரவு இந்தியாவின் முதுகுதண்டே விவசாயம் இன்றைய நமது உணவும்,நாளைய நமது சந்ததிகளின் உணவும்,விவசாயத்தின் மூலமே கிடைக்கப்பெறுகின்றது அத்தகைய விவசாயத்தை அழிக்கும் விதத்தில் ஹைட்ரோகார்பன் திட்டம் மீத்தேன் எரிவாயு திட்டம் என விவசாயத்தையும்,விவசாய நிலத்தயும்நாசமாக்கும் பல்வேறு திட்டத்தை நடைமுறைப்படுத்த எத்தனித்து வருகின்றது இதனை கண்டித்தும்,விவசாயிகளின் நலன் கருதி பல்வேறு கோரிக்கைகளை முன்னிறுத்தி தமிழக விவசாயிகள் டெல்லியில் போராட்டம் நடத்தி வருகின்றது இத்தகைய போராட்டத்தை முழுமையாக வரவேற்பதுடன் இமாம்ஸ் கவுன்சில் ஆதரவையும் தெரிவித்து கொள்கின்றது மேலும் தமிழக நலனில் அக்கறையுள்ள அனைத்து கட்சிகளும் அமைப்புகளும்,ஆதரவையும்,ஒத்துழைப்பையும் வழங்குமாறு இந்த பொதுக்குழு கேட்டுகொள்கின்றது. மேற்க்கண்ட தீர்மானம் நிறைவேற்றப்பட்டது. இறுதியில் மாநில செயலாளர் மௌலவி K.அர்ஷத் அஹமது அல்தாபி நன்றியுரை நிகழ்த்தினார்கள். இப்படிக்கு: மௌலவி A.R.செய்யது முஹம்மது உஸ்மானி மாநில செய்தி தொடர்பாளர் ஆல் இந்தியா இமாம்ஸ் கவுன்சில் தமிழ்நாடு

ஆல் இந்தியா இமாம்ஸ் கவுன்சிலின் கடலூர் மாவட்ட பொதுக்குழு புதிய மாவட்ட மற்றும் வட்டார நிர்வாகிகள் தேர்தல் அல்லாஹ்வுடை மாபெரும் கிருபை யோடு மிகச்சிறப்பாக சேத்தியாத்தோப்பு பள்ளிவாசலில் இன்று 11-03-2017 நடைபெற்றது இதில் அடுத்த இரண்டு ஆண்டுக்கான நிர்வாகிகள் தேர்வு செய்யப்பட்டனர் மாவட்ட தலைவர் மௌலவி M.Y அப்துல் அலீம் சித்தீக்கி பாஜில் மன்பஈ மாவட்ட துனைத்தலைவர் மௌலவி P.முஹம்மது அப்துல் கனீ மன்பஈ மாவட்ட செயலாளர் மௌலவி R.A.முஹம்மது தய்யூப் பய்யாஜி மாவட்ட துனைச் செயளாளர் மௌலவி S.சலீமுத்தீன் மஃதனி மாவட்ட பொருளாளர் மௌலவி S. அலீ பாதுஷா காஷிஃபி தேர்வு செய்யப்பட்டார்கள்

ஆல் இந்தியா இமாம்ஸ் கவுன்சிலின் திருவள்ளூர் மாவட்ட யூனிட் தேர்தல் மிகச்சிறப்பாக நடைபெற்றது இதில் மாநில பொதுச்செயலாளர் மெளலவி J.முஹம்மது இப்ராஹீம் ஃபாஜில் மிஸ்பாஹி ஹஜ்ரத் அவர்கள் சிறப்பு அழைப்பாளராக கலந்துகொண்டார் திருவள்ளூர் யூனிட் தலைவராக திருவள்ளூர் படே மக்கான் பள்ளி வாசல் இமாம் ஹாபிழ் S.கலீலுர்ரஹ்மான் ஹஜ்ரத் அவர்களும் செயலாளராக திருவள்ளூர் சின்ன பள்ளி வாசல் இமாம் மெளலவி ஹாபிழ் I.ஹிதாயத்துல்லாஹ் யூசுஃபி ஹஜ்ரத் அவர்களும் தேர்ந்தெடுக்கப்பட்டார்கள்

ஆல் இந்தியா இமாம்ஸ் கவுன்சிலின் நெல்லை கிழக்கு யூனிட் தேர்தல் இன்று 25.3.17 மேலப்பாலையத்தில் ஆல் இந்தியா இமாம்ஸ் கவுன்சிலின் மாநில செயற்குழு உறுப்பினர் மெளலவி அப்பாஸ் நாஃபிஈ ஹஜ்ரத் அவர்களின் தலைமையில் சிறப்பாக நடைபெற்றது மேலப்பாளையம் யூனிட் தலைவராக மதரஸா இர்ஃபானுல் ஹுதா அரபிக்கல்லூரின் முதல்வர் மெளலவி ஹாபிழ் மீரான் முஹைதீன் அன்வாரி ஹஜ்ரத் அவர்களும் செயலாளராக மெளலவி ஹாபிழ் காஜா நிஜாமுதீன் தாவூதி ஹஜ்ரத் அவர்களும் தேர்வு செய்யப்பட்டார்கள்

ஆல் இந்தியா இமாம்ஸ் கவுன்சிலின் புதிய நிர்வாகிகள் தேர்தல் தேசம் முழுவதும் நடை பெற்று வருகின்றது அதன் ஒரு பகுதியாக கோவை மாவட்டத்தின் அடுத்த இரண்டு ஆண்டிற்கான புதிய நிர்வாகிகள் தேர்வு செய்யப்பட்டனர்   மாவட்ட தலைவர் மௌலவி M.S. ஷம்சுல் இக்பால் தாவூதி   மாவட்ட துணைத்தலைவர் :மௌலவி M.S. அபூபக்கர் சித்திக் சிராஜி   மாவட்ட செயலாளர்: மௌலவி R.M.சுல்தான் இம்தாதி   மாவட்ட துணைச்செயலாளர்: மௌலவி A.செய்யது இப்ராஹீம் புகாரி   மாவட்ட பொருளாளர்: மௌலவி M.S. முஹம்மது இப்ராஹிம் உலூமி

ஆல் இந்தியா இமாம்ஸ் கவுன்சிலின் மதுரை மாவட்டத் தேர்தல் மாட்டுத்தாவணி பள்ளி வாசலில் 20.03.2017 அன்று மாநில செயற்குழு உறுப்பினர் மெளலவி M.S ஷம்சுல் இக்பால் தாவூதி ஹஜ்ரத் தலைமையில் நடைபெற்றது வரக்கூடிய மூன்று ஆண்டுகளுக்கு பொறுப்பாளர்கள் தேர்வு செய்யப்பட்டார்கள் இதில் மாவட்ட தலைவராக மெளலவி ஹாபிழ் M. அப்துல்லாஹ் ஸஆதி ஃபாஜில் மன்பஈ ஹஜ்ரத் அவர்களும் துணைத்தலைவராக மெளலவி சலீம் ராஜா மன்பஈ ஹஜ்ரத் அவர்களும் செயலாளராக மெளலவி அஹமது ஃபைசல் மக்தூமி ஹஜ்ரத் அவர்களும் துணைச்செயலாளரக மெளலவி முஹம்மது அமீன் மன்பஈ ஹஜ்ரத் அவர்களும் பொருளாளராக மெளலவி முஹம்மது இஸ்ஹாக் ஸஆதி ஹஜ்ரத் அவர்களும் தேர்ந்தெடுக்கப்பட்டார்கள்

இஸ்லாமிய கடமையை நிறைவேற்ற தடை விதித்த தீர்ப்பை கண்டித்து நடந்த ஆர்பாட்டத்தில் கலந்து கொண்டவர்களை காவல்துறை கைது செய்துள்ளது ஆல் இந்தியா இமாம்ஸ் கவுன்சில் நடத்தும் உயர் நீதி மன்றம் ஒட்டகம் குர்பானி கொடுக்க தடை விதித்த தீர்ப்பை கண்டித்து மாபெரும் ஆர்பாட்டம் மாநில பொதுச்செயலாளர் மௌலவி முஹம்மதுஇப்ராஹிம் மிஸ்பாஹி அவர்களின் தலைமையில் நடைபெற்றது இதில் கலந்து கொண்டவர்களை மாநில தலைவர் மௌலவி ஆபிருத்தீன் மன்பஈ மற்றும் ஆலிம்கள் பொதுமக்களை காவல்துறை கைது செய்து மாலையில் விடுவித்தார்கள்